Virat Kohli : 'ही वेळ देखील निघून जाईल' बाबर आझमची भावनिक पोस्ट

Babar Azam sympathises with out of-form Virat Kohli
Babar Azam sympathises with out of-form Virat Kohliesakal

बीसीसीआयने वेस्टइंडीजविरुद्धच्या सामन्यांसाठी भारताचा टी20 संघ जाहीर केला असून यावेळी स्टार फलंदाज विराट कोहलीला संधी न मिळाल्याने सोशल मीडियावर विविध चर्चांना उधाण आलं आहे. विराट सध्या खराब फॉर्मशी झगडताना दिसत आहे. अनेक क्रिकेट पंडित त्याच्यावर टीका करताना दिसत आहेत. विराट कोहलीवरुन सध्या भारताच्या माजी क्रिकेटपटूंमध्येच दोन गट पडलेत. अशातच पाकिस्तानचा कॅप्टन बाबर आजमने विराटसाठी भावनिक पोस्ट शेअर केली आहे.(Babar Azam sympathises with out of-form Virat Kohli)

Babar Azam sympathises with out of-form Virat Kohli
CSK चा 'हा' खेळाडू दुसऱ्यांदा बनला बाप; इंस्टावर शेअर केली खास पोस्ट

भारत आणि इंग्लंड़ दुसरा एकदिवसीय सामना झाला. लॉर्ड्सच्या मैदानावर झालेल्या या सामन्यात विराट केवळ १६ धावांच करु शकला. त्यानंतर पुन्हा त्याच्यावर टीकेची झोड उठली. दरम्यान, बाबर आजमने ट्विट करत विराटला आधार देण्याचा प्रयत्न केला. ‘ही वेळही निघून जाईल, मजबूत रहा’ असा संदेश लिहिताना त्याने विराट सोबतचा एक फोटोही पोस्ट केला आहे.

लॉर्ड्सच्या मैदानावर झालेल्या या सामन्यात इंग्लंडने भारताचा 100 धावांनी दारुण पराभव केला. रीस टॉपली इंग्लंडच्या विजयाचा नायक ठरला. या डावखुऱ्या वेगवान गोलंदाजाने भारताचं कंबरड मोडलं. पहिल्या वनडेत भारतासाठी जसप्रीत बुमराहने जशी कामगिरी केली होती, दुसऱ्या वनडेत रीस टॉपलीने इंग्लंडसाठी ते करुन दाखवलं. त्याने 9.5 षटकात 24 धावा देत 6 विकेट घेतल्या. यात दोन 2 निर्धाव षटकं होती.

Babar Azam sympathises with out of-form Virat Kohli
लॉर्ड्सच्या मैदानावर Virat Kohli चा स्वॅग निराळा, VIDEO पाहून चाहते थक्क

तीन वनडे सामन्यांच्या मालिकेत भारताने आधी 1-0 अशी आघाडी घेतली होती. इंग्लंडने आता 1-1 अशी बरोबरी साधली आहे. रविवारी होणारा तिसरा एकदिवसीय सामना निर्णायक ठरेल. प्रथम फलंदाजी करणाऱ्या इंग्लंडचा डाव 49 षटकात 246 धावांवर आटोपला. भारताचा डाव 146 धावांवर संपुष्टात आला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com