Babar Azam Vs PCB : कर्णधारपद सोडताच बाबरनं पीसीबीला घेतलं अंगावर; कायदेशी कारवाईचा विचार

Babar Azam Vs PCB : पाकिस्तान क्रिकेट बोर्डाचा आणि बाबर आझम यांच्यातील वादाने आता वेगळे वळण घेतले आहे. नुकतेच बाबर आझमने पाकिस्तानचे सर्व फॉरमॅटमधील कॅप्टन्सी सोडली आहे. त्यानंतर आता तो त्याचे प्रायव्हेट व्हॉट्सअॅप चॅट लीक केल्याप्रकरणी कायदेशीर कारवाईचा विचार करत आहे. पाकिस्तान क्रिकेट बोर्डाच्या अधिकाऱ्यांनी हे वैयक्तिक व्हॉट्सअॅप चॅट लीक केले होते.

गेल्या महिन्यात बाबर आझम आणि पीसीबी सीओओ सलमान नासीर यांच्यातील वैयक्तिक व्हॉट्सअॅप चॅट टीव्हीवरून सार्वजनिक करण्यात आले होते. त्यावेळी बाबर आझम आणि पीसीबीमधील वाद चव्हाट्यावर आला होता. आता जिओ स्पोर्ट्सने दिलेल्या वृत्तानुसार लीक चॅट प्रकरणी बाबर आझम कायदेशीर कारवाई करता येते का याचा विचार करत आहे.

बाबर आझमने का उचललं हे पाऊल?

बाबर आझमने व्हॉट्सअॅप लीक प्रकरणी कायदेशी कारवाईचा विचार करत असल्याने या प्रकरणाचे गांभीर्य अधोरेखित झालं आहे. देशाच्या संघाचा कर्णधार राहिलेल्या बाबर आझमचे वैयक्तिक संभाषण असं सार्वजनिक करणे ही चिंतेची बाब आहे. फक्त प्रायव्हसीचा विषय नाही तर क्रिकेट व्यवस्थापनाबद्दलच्या त्याच्या नात्यावरही याचा परिणाम झाला आहे.

बाबर आता या प्रकरणाचा सोक्षमोक्ष कायदेशीरित्या लावणार आहेत. यावरून त्याने क्रिकेट बोर्डासोबतच्या संभाषणाची गुप्तता कसोशीने पाळली जावी यासाठी हे पाऊल उचलल्याचे दिसून येते.

(Sports Latest News)