FIFA World Cup 2022 : एकनाथ शिंदे यांच्या बंडानंतर शिवसेनेत फूट पडली. उद्धव ठाकरे गट आणि शिंदे गट या दोन गटांमध्ये तेव्हापासून शिवसेना कोणाची यावरून वाद सुरू आहे. दरम्यान एकनाथ शिंदे गटाने भाजपच्या पाठींब्याने राज्यात सरकार देखील स्थापन केलं. यादरम्यान आता चर्चा होतेय ती कतारमध्ये फुटबॉल स्टेडीयमवर झळकलेल्या बाळासाहेबांची शिवसेना पक्षाच्या पोस्टरची..
सध्या जगभरतार फिफा फुटबॉल विश्वचषकाची धूम सुरू आहे. कोट्यावधी चाहते जहभरातून विश्वचषक सामन्यांचा आनंद घेत आहेत. तर काही चाहते थेट कतारमध्ये दाखल झाले आहेत. दरम्यान कोल्हापूरच्या कार्यकर्त्यांनी शिंदे गटाची शिवसेना म्हणजेच बाळासाहेबांची शिवसेना पक्षाचं पोस्टर झळकावलं आहे. शिंदे गटाचे नेते माजी आमदार राजेश क्षिरसागर यांनी या कार्यकर्त्यांचा फोटो शेअर केला आहे.
"कतार मध्ये बाळासाहेबांच्या शिवसेनेचा डंका... कोल्हापूरच्या युवकांनी फुटबॉल सामान्यान दरम्यान झळकवला फलक" अशी फोटोओळ या फोटोला देण्यात आला आहे. पोस्टरवर मुख्यमंत्री एकनाथ शिंदे, बाळासाहेब ठाकरे यांचे फोटो दिसत आहेत. तसेच या फोटोला सातशेपेक्षा जास्त लाइक्स मिळाले आहेत.
हेही वाचा- Sextortion: भारत ही सेक्सटॉर्शनची जागतिक राजधानी होतेय का?
दरम्यान यंदा फिफा फुटबॉल विश्वचषक कतारमध्ये खेळवला जात आहे. २० नोव्हेंबरला कतार आणि इक्वेडोर यांच्यातील सामन्याने या जगातील सर्वात मोठ्या क्रिडा स्पर्धेची सुरुवात झाली होती. तसेच यंदाच्या फिफा विश्वचषकात जगभरातून तब्बल ३२ संघ सहभागी झाले होते. तर या विश्वचषकाचा सामने २० नोव्हेंबर ते १८ डिसेंबर या कालावधीत पार पडणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
