टीम इंडियाच्या ऐतिहासिक कामगिरीने BCCI खूष; जाहीर केलं कोट्यवधींचं पॅकेज 

सकाळ न्यूज नेटवर्क
Tuesday, 19 January 2021

ब्रिस्बेनमध्ये ऑस्ट्रेलियावर मात करत भारताने ऐतिहासिक विजय प्राप्त केला आहे.

नवी दिल्ली- ब्रिस्बेनमध्ये ऑस्ट्रेलियावर मात करत भारताने ऐतिहासिक विजय प्राप्त केला आहे. 4 सामन्यांच्या मालिकेत भारताने 2-1 ने विजय मिळवला आहे. तब्बल 32 वर्षांनी हा योग घडून आला आहे. भारतीय क्रिकेट संघाने दिलेल्या या आनंदाच्या बातमीनंतर बीसीसीआयनेही संघाला गोड बातमी दिली आहे. बीसीसीआयकडून भारतीय संघाला 5 कोटींचा बोनस जाहीर करण्यात आला आहे. 

भारतीय क्रिकेटसाठी हा अविस्मरणीय क्षण आहे. भारतीय संघाने असामान्य खेळाचे प्रदर्शन केले आहे, असं बीसीसीआयचे सचिव जय शहा म्हणाले आहे. तसेच त्यांनी भारतीय संघासाठी 5 कोटींचे बोनस जाहीर केले आहे. एनएनआयने यासंदर्भातील वृत्त दिलं आहे. 

भारताने औस्ट्रेलियाविरुद्धचा चौथा कसोटी सामना जिंकला आहे. चौथ्या कसोटी सामन्यात ऑस्ट्रेलियाने भारताला 328 धावांचे लक्ष्य दिले होते. चौथ्या दिवसाअखेर टिम इंडियाने बिन बाद 4 धावा केल्या होत्या. हा सामना भारताने तीन विकेट्सनी जिंकला आहे. या सामन्याबरोबरच भारताने ही सिरीज 2-1 ने जिंकली आहे. पाचव्या दिवशी रोहित-शुभमनने संयमी खेळी करत खेळाला सुरुवात केली. पॅट कमिन्सने रोहितला माघारी धाडत टिम इंडियाला पहिला आणि मोठा धक्का दिला होता. रोहित शर्मा 21 चेंडूत 7 धावा करुन माघारी फिरला आहे. त्यानंतर युवा शुभमन गिलनं पुजाराच्या साथीनं डाव सावरला होता. गिलनं कसोटी कार्दितील दुसरे अर्धशतकही पूर्ण केले.  


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: BCCI has announced Rs 5 Crores as team bonus BCCI Secretary Jay Shah