सौरभ गांगुलीला कोरोनाची लागण; रुग्णालयात दाखल

बीसीसीआय अध्यक्ष सौरभ गांगुलीला कोरोनाची लागण (Sourav Ganguly Corona Positive) झाल्याची माहिती समोर आली आहे. सोमवारी रात्री उशिरा कोरोनाचा रिपोर्ट पॉझिटिव्ह आला आहे. कोरोना लसीचे दोन्ही डोस घेल्यानंतरही गांगुलीला कोरोनाची लागण झाली आहे. सौरभ गांगुलीला कोरोनाची सौम्य लक्षणे जाणवत आहेत.

सध्या गांगुलीला कोलकात्यातील वुडलँड रुग्णालयात दाखल करण्यात आलं आहे. डॉक्टरांच्या देखरेखीखाली त्याच्यावर उपचार सुरु आहेत. ओमिक्रॉनच्या (Omicron) वाढत्या संकटात आता सौरभ गांगुलीला कोरोनाची लागण झाल्याची बातमी ही त्याच्या चाहत्यांसाठी चिंतेची आहे. याआधी रुग्णालयात असताना त्याच्यावर एकाच महिन्यात दोन वेळा Angioplasty करावी लागली होती. यातून बरं झाल्यानंतर गांगुली पुन्हा कामात व्यस्त झाला होता. (Sourav Ganguly Corona Positive)

सौरभ गांगुली एक वर्षभरात तिसऱ्यांदा रुग्णालयात दाखल होत आहेत. याआधी जानेवारीमध्ये हार्ट अटॅकमुळे गांगुलीला रुग्णालयात जावं लागलं होतं. जानेवारी महिन्यात त्याला दोन वेळा रुग्णालयात दाखल करण्यात आले होते. त्याच्या छातीत दुखत असल्याने तो रुग्णालयात गेला होता. गांगुलीला कोलकात्यातील घरात व्यायम करताना ह्रदयविकाराचा झटका आला होता. त्याच्यावर त्यावेळी अँजियोप्लास्टी करण्यात आली होती.

20 दिवसांनी गांगुलीला पुन्हा चेस्ट पेनचा त्रास होऊ लागला. त्यामुळे तो पुन्हा रुग्णालयात दाखल झाला आणि त्याच्यावर 28 जानेवारीला दुसऱ्यांदा अँजियोप्लास्टी झाली होती. यावेळी त्याच्या दोन धमण्यांमध्ये दोन स्टेंट बसवण्यात आले.