Arne Espeel : पेनल्टी किक अडवल्यानंतर गोलरक्षकाचा मैदानावरच मृत्यू

ब्रुसेल्स : बेल्जियमधील एका स्थानिक फुटबॉल सामन्यात पेनल्टी किक अडवल्यानंतर लगेचच २५ वर्षीय गोलरक्षक अर्ने एस्पिल या गोलरक्षकाचे निधन झाले. बेल्जियमधील पश्चिम ब्राबंट येथील दुसऱ्या श्रेणीचा सामना सुरू होता. विंकेल स्पोर्टस ब या संघाने वेस्ट्रोझेबेक संघाविरुद्ध २-१ अशी आघाडी घेतली होती. दुसऱ्या अर्धात वेस्ट्रोझेबेक संघाला पेनल्टी किक देण्यात आली.

बेल्जियम मीडियाने दिलेल्या वृत्तानुसार गोलरक्षक एस्पिलने पेनल्टी किक यशस्वीपणे अडवली मात्र तो लगेचच मैदानावर पडला. काही तरी अनुचित घडत आहे हे लक्षात येतात लगेचच वैद्यकीय मदत देण्यात आली. कृत्रिम श्वास देण्याचाही प्रयत्न करण्यात आला, परंतु रुग्णालयात नेल्यानंतर काही वेळातच त्याचा मृत्यू झाला. एस्पिल हा विंकेल स्पोर्टस ब संघाचा खेळाडू होता. हा सामना क्लबच्या मैदानावरच सुरू होता. एस्पीलचे शवविच्छेदन करण्यात आले असून त्याचा अहवाल प्रतिक्षेत आहे.