Bhuvneshwar Kumar : भुवनेश्वर कुमार घेणार निवृत्ती? आशिया कपपूर्वीच सोशल मीडियावर खळबळ

Bhuvneshwar Kumar : टीम इंडिया 2023 मध्ये अनेक मोठ्या टूर्नामेंटमध्ये सहभागी होणार आहे. यावर्षी एकदिवसीय विश्वचषकाव्यतिरिक्त आशिया चषक, आशियाई क्रीडा स्पर्धा यासारख्या स्पर्धा खेळल्या जाणार आहेत. जिथे भारताला जिंकण्याची मोठी संधी आहे. त्याचबरोबर टीम इंडिया सध्या वेस्ट इंडिजच्या दौऱ्यावर आहे.

दरम्यान, एका भारतीय खेळाडूने असा निर्णय घेतल्याने सोशल मीडियावर खळबळ उडाली आहे. या विषयावर चाहते खूप चर्चा करताना दिसत आहेत. टीम इंडियाचा वेगवान गोलंदाज भुवनेश्वर कुमारने आपल्या सोशल मीडियावर असे काही केले आहे ज्यामुळे चाहत्यांमध्ये खळबळ उडाली आहे.

खरं तर, सोशल मीडियावर व्हायरल होत असलेल्या एका पोस्टनुसार, भुवनेश्वर कुमारने त्याच्या इंस्टाग्राम बायोमध्ये काही बदल केले आहेत. त्यानुसार, यापूर्वी त्याने आपल्या बायोमध्ये भारतीय क्रिकेटर असे लिहिले होते, परंतु आता त्याने ते बदलून फक्त भारतीय केले आहे. चाहत्यांना ही गोष्ट आवडलेली नाही. भुवनेश्वर कुमारने अद्याप निवृत्तीची घोषणा केलेली नाही, परंतु त्याच्या बायोमधून क्रिकेटर हटवणे हे एक चिन्ह आहे की तो लवकरच एक मोठी घोषणा करेल.

भुवनेश्वर कुमार बऱ्याच दिवसांपासून टीम इंडियातून बाहेर आहे. गेल्या वर्षी झालेल्या टी-20 विश्वचषकात तो टीम इंडियाचा भाग होता, पण त्यानंतर त्याला फक्त एकाच मालिकेत खेळण्याची संधी मिळाली. 2022 च्या अखेरीस त्याने न्यूझीलंडविरुद्ध शेवटचा सामना खेळला होता.

भुवनेश्वर कुमारलाही कळले आहे की त्याचे टीम इंडियात पुनरागमन खूप कठीण आहे. अशा परिस्थितीत तो लवकरच टीम इंडियातून निवृत्त होऊ शकतो, असे मानले जात आहे.