Brazil Football: ब्राझीलचा फुटबॉल संघ भारतात येणार? कोलकात्यात रंगू शकतो मेगा सामना; रिपोर्टने वाढवल्या चाहत्यांच्या आशा

Brazil football team to play in India: भारतातील फुटबॉल चाहत्यांसाठी एक मोठी आनंदाची बातमी समोर येत आहे. ब्राझीलचा राष्ट्रीय फुटबॉल संघ भारतात येऊन एक मैत्रीपूर्ण सामना खेळू शकतो. ESPN Brazil(ब्राझीलमधील क्रीडा आणि मनोरंजन वाहिनी) च्या वृत्तानुसार, हा सामना ऑक्टोबरच्या सुरुवातीला कोलकाता येथे होण्याची शक्यता आहे.

या वृत्तानुसार, ब्राझीलचा संघ सप्टेंबर आणि ऑक्टोबरमध्ये तीन मैत्रीपूर्ण सामने खेळणार आहे. त्यातील पहिले दोन सामने ऑस्ट्रेलियाविरुद्ध होणार आहेत. हे सामने २५ आणि २९ सप्टेंबर रोजी टाउन्सविले आणि ब्रिस्बेन येथे खेळवले जातील.