Fitness Influencer Cardiac Arrest : फिटनेस इन्फ्लुएन्सरला दोन वेळा आला हार्ट अटॅक; अवघ्या 33 व्या वर्षी Larissa Borges चं निधन

Fitness Influencer Cardiac Arrest : ब्राझीलची तरूण फिटनेस इन्फ्लुएन्सर लारिसा बोर्जचे अवघ्या 33 व्या वर्षी दोनवेळा हार्ट अटॅक आल्यामुळे निधन झाले. लारिसावर आठवड्याभरापासून न्यूयॉर्कच्या रूग्णालयात उपचार सुरू होते. तिच्या कुटुंबियांनी तिच्या इन्स्टाग्राम पेजवरून लारिसाच्या निधनाची माहिती दिली. 'फक्त 33 व्या वर्षी कोणाला तरी गमावणं हे खूप वेदनादायी असते. ही ह्रदयद्रावक घटना आहे.' अशा भावना त्यांनी व्यक्त केली.

स्थानिक माध्यमांनी दिलेल्या वृत्तानुसार फिटनेस इन्फ्लुएन्सर बॉर्जेसला ग्रामाडो येथे जात असताना 20 ऑगस्ट रोजी हार्ट अटॅक अल्याने रूग्णालयात दाखल करण्यात आले होते. त्यानंतर ती कोमामध्ये गेली होती. तिला दुसरा हार्ट अटॅक आला आणि त्यानंतर तिचा मृत्यू झाला.

बॉर्जेसचा मृत्यू कशामुळे झाला हे अजून उघड झालेले नाही. मात्र प्राथमिक तपासात ज्यावेळी तिला हार्ट अटॅक आला त्यावेळी ती नशेत होती. तिचा मृतदेह हा शवविच्छेदनासाठी पाठवण्यात आला आहे.

गुस्टावो बार्सेलोसमधील डेप्युटींनी तपास सुरू असल्याचे सांगितले. ते म्हणाले 'मिळालेल्या माहितीनुसार तिच्या शरिरात ड्रग्स गेल्याची शक्यता आहे. याच्या जोडीला मद्य देखील शरिरात गेल्याची शक्यता आहे. मृतदेह पुढील तपासणीसाठी पाठवण्यात आला आहे. तिने कोणत्या गोष्टीचे सेवन केले होते हे आम्ही प्रयोगशाळेतील तपासातून शोधून काढू.'