COPA : मेस्सीच्या गोलला चिलीकडून मिळालं प्रतिउत्तर (VIDEO)

Copa America Argentina vs Chile : कोपा अमेरिका स्पर्धेत अर्जेंटिनाचा स्टार फुटबॉलपटू लिओनेल मेस्सीचा (Lionel Messi ) गोल चिलीच्या एडुआर्डो वर्गासने (Eduardo Vargas) व्यर्थ ठरवला. त्यामुळे पहिल्या हाफमध्ये 1-0 अशी आघाडी घेतलेल्या अर्जेंटिनाला चिले विरुद्धच्या सामन्यात 1-1 असे बरोबरीत समाधान मानावे लागले. सामन्याच्या पहिल्या हाफमधील 32 व्या मिनिटात अर्जेंटिनाला फ्रि किक मिळाली. अपेक्षेप्रमाणे मेस्सीने त्याचे गोलमध्ये रुपांतर करत संघाला 1-0 अशी आघाडी मिळवून दिली. पहिल्या हाफमध्ये अर्जेंटिनाने आघाडी कायम ठेवण्यात यश मिळवले. (Copa America 2021 ARG vs CHI Lionel Messi Scores as Argentina Play Another Draw Against Chile)

दुसऱ्या हाफचा खेळ सुरु झाल्यानंतर चिलीच्या संघाकडूनही आक्रमक खेळ पाहायला मिळाला. 57 व्या मिनिटाला चिलीच्या प्रयत्नांना यश आले. 54 व्या मिनिटाला अर्जेंटिनाच्या निकोलस टॅग्लियाफिको (Nicolás Tagliafico) ने चिलेच्या आर्टुरो विडाल (Arturo Vidal) याला धक्का दिला. व्हिडिओ असिस्टंट रेफ्रीने अधिक वेळ घेत (video assistant referee) चिली संघाला पेनल्टी दिली. पेनल्टीमध्ये विडालने मारलेला फ्री किकवरील फटका अर्जेंटिनाचा गोलकिपर एमी मार्टिनेझ (Emi Martinez) अडवला. पण एडुआर्डो वर्गासने गोलीच्या हाताला लागून आलेला फटका पुन्हा गोल पोस्टमध्ये डागत संघाला 1-1 अशी बरोबरी करुन दिली. अतिरिक्त 7 मिनिटांच्या वेळेत अर्जेंटिनाने काही संधी निर्माण केल्या. पण त्यांना विजयी गोल डागण्यात अपयश आले.

अर्जेंटिनाचा संघ बोलिव्हिया, चिली, उरुग्वे आणि पेराग्वे या देशांसह अ गटात आहे. अर्जेंटिना आणि चिली यांच्यातील गटातील हा पहिलाच सामना होता. तो 1-1 असा अनिर्णित राहिला. दोन्ही संघाला प्रत्येकी एक-एक पाँइट मिळाला असून अर्जेंटिना गुणतालिकेत टॉपलाच आहे. नॉकआउटमध्ये खेळताना दिसतील.