T20 World Cup: नोकरी सांभाळत स्वप्न जपलं… पिझ्झा विकणाऱ्या कृष्णने वानखेडेवर रचला इतिहास, दोन्ही बाजूंनी चेंडू फिरवण्याची कला

२०२६ च्या टी२० विश्वचषक स्पर्धेत इटलीच्या क्रिकेट संघाने एक अभूतपूर्व कामगिरी करत नेपाळला धूळ चारली. वानखेडे स्टेडियमवर खेळल्या गेलेल्या या सामन्यात इटलीने १० विकेट्सने विजय मिळवला, ज्यामुळे क्रिकेट जगतात खळबळ उडाली. नेपाळ संघ प्रबळ मानला जात असतानाही इटलीच्या खेळाडूंनी अप्रतिम खेळ दाखवत अपेक्षांचा भंग केला. या विजयाचे मुख्य शिल्पकार ठरला तो कृष्ण कलुगामेज, जो व्यावसायिक जीवनात हॉटेलमध्ये शेफ म्हणून काम करतो. त्याच्या अफलातून फिरकी गोलंदाजीमुळे इटलीला हा ऐतिहासिक विजय मिळवता आला आणि कलुगामेजला सामनावीराचा किताब बहाल करण्यात आला.