Asia Cup 2025 Schedule: भारत-पाकिस्तान एकाच गटात, कधी रंगणार सामना? जाणून घ्या संपूर्ण वेळापत्रक

थोडक्यात:.शनिवारी (२६ जुलै) आशिया कप २०२५ स्पर्धेचे वेळापत्रक घोषित करण्यात आले आहे.आशिया कप २०२५ स्पर्धा ९ ते २८ सप्टेंबर दरम्यान खेळवली जाणार आहे.भारत आणि पाकिस्तान या स्पर्धेसाठी एकाच गटात आहेत..आशिया कप २०२५ स्पर्धा यावर्षी होणार यावर आता शिक्कामोर्तब झाले असून वेळापत्रकही समोर आले आहे. २४ जुलै रोजी आशिया क्रिकेट काऊन्सिल (ACC) ची बैठक पार पडली. या बैठकीनंतर दोनच दिवसात शनिवारी (२६ जुलै) आशिया कप २०२५ स्पर्धेचे वेळापत्रक घोषित करण्यात आले आहे. आठ संघात होणारी ही स्पर्धा यंदा टी२० प्रकारात होईल. भारत आणि श्रीलंका हे या स्पर्धेते आयोजक असले, तरी भारत आणि पाकिस्तानच्या सहभागामुळे ही स्पर्धा तटस्थ ठिकाणी संयुक्त अरब अमिराती (UAE) येथे खेळवला जाणार आहे..Asia Cup Hockey 2025 : आशिया करंडक हॉकी स्पर्धेसाठी पाकिस्तानचा संघ भारतात येणार? हॉकी इंडियाची भूमिका काय? .यापूर्वीच आशिया क्रिकेट काऊन्सिल आणि पाकिस्तान क्रिकेट बोर्डाचे अध्यक्ष मोहसीन नाकवी यांनी जाहीर केले होते की आशिया कप २०२५ स्पर्धा ९ ते २८ सप्टेंबर दरम्यान खेळवली जाणार आहे. आता या स्पर्धेचे संपूर्ण वेळापत्रक जाहीर झाले आहे. या स्पर्धेत भारत, श्रीलंका, पाकिस्तान, युएई, ओमान, अफगाणिस्तान, बांगलादेश आणि हाँगकाँग हे आठ संघ खेळणार आहेत. या आठ संघांची दोन गटात विभागणी केली आहे. भारतीय संघ पाकिस्तान, ओमान आणि युएईसह अ गटात आहे, तर ब गटात श्रीलंका, अफगाणिस्तान, बांगलादेश आणि हाँगकाँग हे संघ आहेत..भारत आणि पाकिस्तान हे संघ एकाच गटात असल्याने त्यांच्या सामना होणार असल्याचे स्पष्ट झाले आहे. पहलगामधील दहशतवादी हल्ल्यानंतर भारताने पाकिस्तानविरुद्ध खेळू नये, अशा मागण्या अनेकांनी केल्या होत्या. मात्र भारतीय सरकारकडून अनेक देश सहभागी असलेल्या स्पर्धेत भारताला पाकिस्तानविरुद्ध खेळण्याची परवानगी मिळाल्याची शक्यता आहे. तसे संकेत काही दिवसांपुर्वी क्रीडा मंत्री मनसुख मंडाविया यांनी दिले होते..Asia Cup 2025 स्पर्धेच्या तारखा अन् ठिकाण ठरलं! ACC अध्यक्षांची घोषणा, पण भारत-पाकिस्तान सामना....सध्या जाहीर झालेल्या वेळापत्रकानुसार आधी ९ ते १९ सप्टेंबर दरम्यान प्राथमिक फेरी पार पडणार आहे. यात भारत आणि पाकिस्तान संघ १४ सप्टेंबर रोजी आमने-सामने असणार आहेत. सर्वात पहिला सामना ९ सप्टेंबर रोजी हाँगकाँग आणि अफगाणिस्तान संघात होणार आहे.त्यानंतर दोन्ही गटातील अव्वल दोन संघ सुपर फोर फेरी प्रवेश करतील. सुपर फोर २० ते २६ सप्टेंबर दरम्यान होईल. सुपर फोरमधील अव्वल दोन संघ २८ सप्टेंबर रोजी अंतिम सामना खेळणार आहेत. दरम्यान, स्पर्धा युएईला होणार असल्याचे स्पष्ट झाले असले तरी कोणत्या मैदानांवर हे सामने खेळवले जाणार आहेत, हे जाहीर झालेले नाही. पण दुबई, अबुधाबी आणि शारजा या तीन ठिकाणी हे सामने होऊ शकतात..आशिया कप २०२५ वेळापत्रकप्राथमिक फेरी९ सप्टेंबर - अफगाणिस्तान विरुद्ध हाँग काँग१० सप्टेंबर: भारत विरुद्ध युएई११ सप्टेंबर: बांगलादेश विरुद्ध हाँगकाँग१२ सप्टेंबर: पाकिस्तान विरुद्ध युएई१३ सप्टेंबर: बांगलादेश विरुद्ध श्रीलंका१४ सप्टेंबर: भारत विरुद्ध पाकिस्तान१५ सप्टेंबर: युएई विरुद्ध ओमान१५ सप्टेंबर: श्रीलंका विरुद्ध हाँगकाँग१६ सप्टेंबर: बांगलादेश विरुद्ध अफगाणिस्तान१७ सप्टेंबर: पाकिस्तान विरुद्ध युएई१८ सप्टेंबर: श्रीलंका विरुद्ध अफगाणिस्तान१९ सप्टेंबर: भारत विरुद्ध ओमानसुपर ४ फेरी२० सप्टेंबर: ब गटातील अव्वल संघ विरुद्ध ब गटातील दुसरा संघ (B1 vs B2)२१ सप्टेंबर: अ गटातील अव्वल संघ विरुद्ध अ गटातील दुसरा संघ (A1 vs A2)२३ सप्टेंबर: अ गटातील दुसरा संघ विरुद्ध ब गटातील अव्वल संघ (A2 vs B1)२४ सप्टेंबर: अ गटातील अव्वल संघ विरुद्ध ब गटातील दुसरा संघ (A1 vs B2)२५ सप्टेंबर: अ गटातील दुसरा संघ विरुद्ध ब गटातील दुसरा संघ (A2 vs B2)२६ सप्टेंबर: अ गटातील अव्वल संघ विरुद्ध ब गटातील अव्वल संघ (A1 vs B1)अंतिम सामना: २८ सप्टेंबर.FAQsप्रश्न १: आशिया कप २०२५ कधी आणि कुठे होणार आहे?(Q: When and where will Asia Cup 2025 be held?)उत्तर: आशिया कप २०२५ स्पर्धा ९ ते २८ सप्टेंबर दरम्यान यूएईमध्ये खेळवला जाईल.प्रश्न २: भारत आणि पाकिस्तान यांच्यात आशिया कप २०२५ मधील सामना कधी होणार आहे?(Q: When is the India vs Pakistan match scheduled?)उत्तर: आशिया कप २०२५ मधील भारत विरुद्ध पाकिस्तान सामना १४ सप्टेंबर २०२५ रोजी होईल.प्रश्न ३: आशिया कप २०२५ स्पर्धेचा अंतिम सामना कधी होणार आहे?(Q: When is the final match of Asia Cup 2025?)उत्तर: आशिया कप २०२५ मधील अंतिम सामना २८ सप्टेंबरला होणार आहे.प्रश्न ४: आशिया कप २०२५ मध्ये कोणते संघ सहभागी आहेत?(Q: Which teams are participating?)उत्तर: भारत, पाकिस्तान, श्रीलंका, बांगलादेश, अफगाणिस्तान, ओमान, हाँगकाँग आणि यूएई हे आठ संघ आशिया कप २०२५ मध्ये सहभागी होणार आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Asia Cup 2025 Schedule: भारत-पाकिस्तान एकाच गटात, कधी रंगणार सामना? जाणून घ्या संपूर्ण वेळापत्रक

Related Stories

Who is Nandini Sharma? महिला प्रीमिअर लीग गाजवली अन् थेट ट्वेंटी-२० वर्ल्ड कप संघात एन्ट्री; हॅटट्रिकचा अनोखा विक्रम नावावर...

भारतीय गोलंदाजांना झोडावंस वाटतं! मिसुरडंही न फुटलेल्या पाकिस्तानी फलंदाजाची धमकी; म्हणतो, ते समोर आले की...

FIFA World Cup: इटली सलग तिसऱ्यांदा स्पर्धेतून बाहेर; 48 संघ खेळणार मुख्य स्पर्धा; जाणून घ्या संपूर्ण वेळापत्रक