Team India Start Practice in Dubai Champions Trophy 2025: भारतीय संघ २०१३ नंतर पुन्हा एकदा चॅम्पियन्स ट्रॉफी जिंकण्याच्या निर्धाराने शनिवारी दुबईत दाखल झाला. कर्णधार रोहित शर्मा, विराट कोहली, लोकेश राहुल या सीनियर खेळाडूंसह शुभमन गिल, श्रेयस अय्यर, हार्दिक पांड्यासह अनेक युवा खेळाडू खांद्याला खांदा लावून तयारीला लागले आहेत. भारतीय संघाचे पहिले सराव सत्र रविवारी पार पडले आणि यावेळी पत्रकारांशिवाय प्रेक्षकांना परवानगी दिली गेली नाही. भारतीय संघ या मोठ्या स्पर्धेत प्रमुख गोलंदाज जसप्रीत बुमराह याच्याशिवाय दाखल झाला आहे आणि त्यामुळे गोलंदाजी विभाग काहीसा कमकुवत दिसतोय... त्यात आजच्या सराव सत्रात भारताचा आणखी एक खेळाडू जखमी झाला आणि तोही हार्दिक पांड्याने ( Hardik Pandya) मारलेल्या फटक्यामुळे. चेंडू एवढ्या जोरात भारतीय खेळाडूच्या डाव्या गुडघ्यावर आदळला की तो वेदनेने विव्हळत जमीनीवर झोपला. हार्दिक लगेच त्याच्याकडे धावत गेला अन् फिजिओनींही धाव घेतली..