Pakistan Huge Financial Trouble Champions Trophy Exit
पाकिस्तान क्रिकेट संघाला चॅम्पियन्स ट्रॉफी स्पर्धेचे जेतेपद कायम राखण्यात अपयश आले. २९ वर्षांनंतर आयसीसी स्पर्धा आयोजनाचा मान मिळाल्यानंतर पाकिस्तानचा संघ २०१७ नंतर पुन्हा एकदा चॅम्पियन्स ट्रॉफी जिंकलीत असे त्यांच्या चाहत्यांना वाटले होते. पण,घरच्या मैदानावर खेळूनही त्यांनी लाजीरवाणी कामगिरी केली. न्यूझीलंडकडून पहिल्याच सामन्यात पराभूत झाल्यानंतर दुबईत भारताने यजमानांचे वस्त्रहरण केले. त्यात काल न्यूझीलंडने अ गटातील त्यांच्या दुसऱ्या सामन्यात बांगलादेशला पराभूत करून पाकिस्तानचे पॅक अप करून टाकले. पाकिस्तान उपांत्य फेरीच्या शर्यतीतून बाहेर फेकला गेला आणि बांगलादेशविरुद्धची अखेरची साखळी लढत ही केवळ औपचारिकता राहिली आहे. पाकिस्तानचे चॅम्पियन्स ट्रॉफी स्पर्धेतून इतक्या लवकर बाहेर फेकले जाणे हे त्यांच्या आर्थिक अडचणीत वाढ करणारे ठरतेय.