
Kapil Dev Records: भारतीय क्रिकेट संघाचा दिग्गज कर्णधार आणि अष्टपैलू क्रिकेटपटू कपिल देव यांचा आज (६ जानेवारी) ६६ वा वाढदिवस. चंदीगढमध्ये ६ जानेवारी १९५९ मध्ये कपिल देव यांचा जन्म झाला. वेगवान गोलंदाजी करणारे कपिल देव यांनी भारतासाठी वेगवान गोलंदाजीसोबतच फलंदाजीतही मोलंचं योगदान दिलं.
ते भारताचे पहिले विश्वविजेते कर्णधारही ठरले. त्यांनी १९८३ सालचा वर्ल्ड कप त्यांच्या नेतृत्वात भारताला मिळवून दिला. तो विजय भारतीय क्रिकेटमध्ये क्रांती घडवणाराही ठरला. पुढे देखील कपिल देव यांनी मोठं यश मिळवलं.