Australia vs India Test Series: ऑस्ट्रेलिया विरुद्ध भारत संघात सुरु असलेल्या कसोटी मालिकेच्या पहिल्याच सामन्यात गोलंदाजांचा बोलबाला पाहायला मिळत आहे. शुक्रवारपासून (२२ नोव्हेंबर) सुरू झालेल्या या सामन्याच्या पहिल्याच दिवशी दोन्ही संघांचे मिळून १७ विकेट्स गेल्या होत्या.
भारताकडून कर्णधार जसप्रीत बुमराहने पहिल्याच दिवशी ४ विकेट्स घेत प्रभावी कामगिरी बजावली होती. त्याने आता या सामन्याच्या दुसऱ्या दिवशीही सुरुवात शानदार करत मोठ्या विक्रमालाही गवसणी घातली.
