Ind vs Eng : जडेजानं इंग्लंडचा लंच केला गोड... रवी शास्त्रींनी विकेट फेकणाऱ्या जडेजाला मारला टोमणा

India vs England 4th Test : भारत आणि इंग्लंड यांच्यातील पाच कसोटी सामन्यांच्या मालिकेतील चौथा सामना रांचीमध्ये खेळला जात आहे. सामन्याचा चौथा दिवस आहे आज आणि निकाल लागल्या जाऊ शकतो. कारण टीम इंडियाला विजयासाठी 73 धावांची गरज आहे. आणि 5 विकेट्स शिल्लक होत्या, पण उपाहारानंतर भारतीय क्रिकेट संघाची सुरुवात खराब झाली.

उपाहारानंतर सलग दोन चेंडूंत भारताला दोन धक्के बसले. भारताच्या दुसऱ्या डावातील ३९व्या षटकातील पहिल्या चेंडूवर शोएब बशीरने रवींद्र जडेजाला तर त्यानंतर पुढच्याच चेंडूवर सर्फराज खानला झेलबाद केले. जडेजा चार धावा करून बाद झाला. त्याचवेळी सर्फराजला खातेही उघडता आले नाही. सध्या ध्रुव जुरेल आणि शुभमन गिल क्रीजवर आहेत. भारताला अजूनही 60 हून अधिक धावांची गरज आहे. यादरम्यान भारतीय संघाचे माजी मुख्य प्रशिक्षक रवी शास्त्री यांनी जडेजावर टीका केली आहे.

जडेजाच्या विकेटनंतर भारताचे माजी प्रशिक्षक रवी शास्त्री नाराज दिसले. जडेजाने फुल टॉस बॉलवर त्याची विकेट दिल्याने त्याने इंग्लंडसाठी "दुपारच्या जेवणानंतरची स्वीट डिश" म्हटले. आणि पुढच्याच चेंडूवर सर्फराज खानही आऊट झाल्यानंतर आणि भारत संघ बॅकफूटवर गेला.

शोएब बशीरने रवींद्र जडेजाला बाद केल्यानंतर रवी शास्त्री म्हणाले, “हे दुपारच्या जेवणानंतरची स्वीट डिश आहे जी इंग्लंडसाठी ताटात दिली गेली आहे.” रवींद्र जडेजा पहिल्या डावात 12 धावा तर 33 चेंडूत केवळ 4 धावा करू बाद झाला.