Ind vs End : 'पुढे जातोय बघ...' धोनी'च्या स्टाईलमध्ये ध्रुव जरेलने ओली पोपला पाठवलं तंबूत

Dhruv Jurel on Kuldeep Yadav Ollie Pope Wicket Video : भारत आणि इंग्लंड यांच्यातील पाच सामन्यांच्या मालिकेतील शेवटचा सामना सुरू आहे. आज इंग्लंडचा संघ नाणेफेक जिंकून प्रथम फलंदाजीला आला. दरम्यान, कुलदीप यादवने उपाहारापूर्वी 2 विकेट घेत इंग्रजांना बॅकफूटवर ठेवले. विशेषतः जेव्हा त्याने दुसरी विकेट घेतली तेव्हा यष्टिरक्षक ध्रुव जरेलने आधीच संकेत दिले होते. यानंतर कुलदीप यादवनेही असेच केले आणि दुसरी विकेट घेतली.

खरंतर आज कुलदीप यादवने इंग्लंडच्या डावातील पहिली विकेट घेतली. जेव्हा त्याने बेन डकेटला झेलबाद केले. शुभमन गिलने मैदानात एक अप्रतिम झेल घेतला. जो सोपा दिसत असला तरी कठीण होता. बेन डकेटने 58 चेंडूत 27 धावांची छोटी खेळी खेळली. त्यादरम्यान त्याने 4 चौकार मारले. यानंतर तिसऱ्या क्रमांकावर फलंदाजीला आलेल्या ओली पोपलाही कुलदीप यादवने आपला शिकार बनवले.

जर तुम्ही क्रिकेटला फॉलो करत असाल तर तुम्हाला माहित असेल एमएस धोनी विकेटच्या मागून गोलंदाजांना सांगत असतो. धरमशाला येथे सुरू असलेल्या पाचव्या कसोटी सामन्यात ध्रुव जुरेलनेही इंग्लंडविरुद्ध असेच काहीसे केले. त्याने आधीच कुलदीप यादवला सांगितले की फलंदाज पुढे जातोय आणि नेमके तसेच घडले. ओपी पोप 23 चेंडूत केवळ 11 धावा करू शकला.

इंग्लंड संघाने मोठी धावसंख्या उभारण्यासाठी प्रथम फलंदाजी करण्याचा निर्णय घेतला होता. मात्र कुलदीप यादव त्यांच्या आशा पल्लवित करताना दिसत आहे. बेन डकेटच्या रूपाने इंग्लंडची पहिली विकेट 64 धावांवर पडली. यानंतर ओली पोपही 100 धावांवर बाद झाला. दुसरी विकेट पडताच अंपायरने लंचची घोषणा केली. सध्या इंग्लंड संघ अडचणीत आहे.