Champions Trophy 2025 Final IND vs NZ Live : भारत-न्यूझीलंड यांच्यातला अंतिम सामना पहिल्याच १० षटकांत चुरशीचा झालेला पाहायला मिळतोय. रचिन रवींद्र व विल यंग यांनी सुरुवातीची दोन षटकं सावधपणे खेळली. पण, फलंदाजीला पोषक खेळपट्टीवर रचिनने गिअर बदलला आणि हार्दिक पांड्याच्या षटकात षटकार-चौकार खेचला. विल यंगला शांत ठेवण्यात भारतीय गोलंदाजांना यश आले होते आणि वरुण चक्रवर्थीने पुन्हा त्याच्यावरील विश्वास सार्थ ठरवला. पण, पहिल्या १० षटकांत असं काहीतरी घडलं की ज्यामुळे रोहित शर्मा व विराट कोहली यांचा पारा चढला होता.