Champions Trophy 2025 Final IND vs NZ Live : चॅम्पियन्स ट्रॉफीच्या आजच्या अंतिम सामन्यानंतर टीम इंडियाच्या चाहत्यांना निवृत्तीचे वृत्त ऐकायला मिळण्याची शक्यता बळावली आहे. कर्णधार रोहित शर्मा या सामन्यानंतर आंतरराष्ट्रीय क्रिकेटमधून निवृत्ती जाहीर करण्याची शक्यता व्यक्त केली जात आहे. त्यात विराट कोहलीच्या एका कृतीने निवृत्तीचे वृत्त खरं ठरतंय की काय, असे चित्र समोर आले आहे. दोन दिवसापूर्वी ऑस्ट्रेलियाचा कर्णधार स्टीव्ह स्मिथने वन डे क्रिकेटमधून निवृत्ती जाहीर केली होती आणि हे विराटला आधीच माहित असल्याने त्याने त्याला मिठी मारली होती. आजही भारतीय खेळाडूच्या बाबतीत विराटने असेच काही केले आणि त्यामुळे तो निवृत्त होतोय, हे स्पष्ट झाल्याची चर्चा रंगली आहे.