IND vs WI 2nd Test Live: कुलदीप यादवने १० चेंडूंत विंडीजचे कंबरडे मोडले! २ शतकं होऊनही पाहुणे रडले, शेवटच्या विकेटने भारताला झुंजवले

India vs West Indies 2nd Test Marathi Cricket Update : वेस्ट इंडिजने दुसऱ्या कसोटीत भारतासमोर आव्हानात्मक लक्ष्य उभे केले. जॉन कॅम्बेल व शे होप यांच्या शतकांनी विंडीजला आघाडी मिळवून दिली होती. भारताने फॉलऑन दिल्यानंतर विंडीजकडून मिळालेली टक्कर सर्वांना थक्क करणारी होती. फॉलोऑन देण्याचा भारताचा डाव फसला असे वाटत असताना कुलदीप यादवने ( Kuldeep Yadav) चेंडू फिरवला अन् पटापट विकेट्स घेतल्या. रवींद्र जडेजाने चौथ्या दिवशी भारताला पहिले यश मिळवून दिले, त्यानंतर मोहम्मद सिराज व वॉशिंग्टन सुंदर यांनी चांगला मारा केला. पण, जस्टीन ग्रिव्ह्स व जेडन सिल्स या जोडीने दहाव्या विकेटसाठी ७९ धावा जोडून भारतासमोर आव्हानात्मक धावसंख्या उभारली.