India Women's T20 World Cup 2026 squad announcement 15-member squad
esakal
India vs Pakistan women match T20 World Cup 2026 date : आयसीसी महिला ट्वेंटी-२० वर्ल्ड कप २०२६ साठी भारतीय क्रिकेट संघाची घोषणा करण्यात आली. कर्णधार हरमनप्रीत कौर, बीसीसीआय सचिव देवजित सैकिया आणि निवड समितीच्या मुख्य अमिता शर्मा यांनी पत्रकार परिषद घेऊन भारतीय महिला संघ जाहीर केला. इंग्लंडमध्ये खेळवण्यात येणारी ही स्पर्धा १२ जूनपासून सुरू होईल. २०२४ मध्ये झालेल्या वर्ल्ड कप स्पर्धेत भारतीय महिला संघाला फक्त दोन सामने जिंकता आले होते. पण, गेल्या वर्षीच वन डे वर्ल्ड कप जिंकल्यामुळे भारतीय संघ यंदा ट्वेंटी-२० वर्ल्ड कप जिंकेल असा विश्वास आहे. हरमनप्रीत कौर आणि तिचा संघ १४ जून रोजी सलामीच्या सामन्यात पाकिस्तानशी भिडतील.
