India vs India A intra squad match : शुभमन गिलच्या नेतृत्वाखालील भारतीय संघ सध्या इंग्लंडमधील बेकेनहॅममध्ये सराव करत आहे. भारत विरुद्ध इंग्लंड पहिला कसोटी सामना २० जूनपासून लीड्समध्ये खेळला जाईल. त्याआधी, भारतीय संघ भारत अ संघाविरुद्ध एक इंट्रा-स्क्वॉड सामना खेळणार आहे आणि तो आजपासून सुरू होईल. भारतीय क्रिकेट संघाचा कर्णधार शुभमन गिल आहे, उपकर्णधार रिषभ पंत आहे. भारत अ संघाचा कर्णधार अभिमन्यू ईश्वरन आहे. इंग्लंडविरुद्धच्या मालिकेपूर्वी भारतीय खेळाडूंच्या तयारीसाठी दोन्ही संघांमध्ये हा आंतर-संघ सामना खेळवला जाणार आहे. या सामन्यातून मुख्य प्रशिक्षक गौतम गंभीर ८ प्रश्नांची उत्तरं शोधण्याच्या प्रयत्नात आहे.