India Women Cricket: भारतीय महिला क्रिकेट संघाचे ऐतिहासिक यश; तिसऱ्या सामन्यात ऑस्ट्रेलियावर १७ धावांनी मात टी-२० मालिकेत २-१ने बाजी

ॲडलेड : भारताच्या महिला क्रिकेट संघाने शनिवारी ऑस्ट्रेलियात ऐतिहासिक यश संपादन केले. स्मृती मानधना (८२ धावा), जेमिमा रॉड्रिग्ज (५९ धावा) यांची शानदार फलंदाजी आणि श्रेयांका पाटील (३/२२), श्री चरणी (३/३२) व अरुंधती रेड्डी (२/३५) यांच्या प्रभावी गोलंदाजीच्या जोरावर भारतीय महिला क्रिकेट संघाने यजमान ऑस्ट्रेलियन संघावर १७ धावांनी विजय मिळवत तीन टी-२० सामन्यांच्या मालिकेत २-१ असे घवघवीत यश संपादन केले.