चौथी कसोटी अनिर्णीत राहिल्यानंतर भारताला पाचव्या सामन्यात (31 जुलै, द ओव्हल) मालिका 2‑2 ने बरोबरीत आणण्याची अंतिम संधी मिळाली.
रिषभ पंतच्या ‘मेटाटार्सल फ्रॅक्चर’मुळे तो मालिकेबाहेर; त्याच्या जागी ध्रुव जुरेल निश्चितपणे येणार.
वर्क‑लोड मॅनेजमेंटमुळे जसप्रीत बुमराह विश्रांतीवर जाण्याची शक्यता; आकाश दीप पुन्हा संघात येऊ शकतो.
India’s likely playing XI for 5th Test vs England at The Oval : भारतीय खेळाडूंनी जिद्द व चिकाटी दाखवताना चौथी कसोटी ड्रॉ केली. भारताच्या पहिल्या डावातील ३५८ धावांचा पाठलाग करताना इंग्लंडने ६६९ धावांचा डोंगर उभा केला. प्रत्युत्तरात भारताने शून्य धावांवर २ विकेट्स गमावल्या, तरीही भारताने ४ बाद ४२५ धावा करून सामना अनिर्णीत राखला. या निकालामुळे भारताला मालिका बरोबरीत सोडवण्याची आणखी एक संधी मिळाली आहे आणि पाचवी कसोटी जिंकून त्याच प्रयत्नात टीम इंडिया दिसेल. पण, दी ओव्हल येथे होणाऱ्या या कसोटीत टीम इंडियात बरेच बदल पाहायला मिळण्याची शक्यता आहे.