India’s Under-19 squad T20 World Cup 2025: गतविजेता भारतीय संघ पुन्हा एकदा १९ वर्षांखालील मुलींचा ट्वेंटी-२० वर्ल्ड कप उंचावण्यासाठी सज्ज झाला आहे. बीसीसीआयच्या महिला निवड समितीने आज पुढील वर्षी होणाऱ्या वर्ल्ड कप स्पर्धेसाठीचा संघ जाहीर केला. १८ जानेवारी ते २ फेब्रुवारी २०२५ या कालावधीत ही स्पर्धा मलेशियात खेळवली जाणार आहे. भारताच्या या संघात सानिका चाळके ( उप कर्णधार), भाविका अहिरे ( यष्टिरक्षक) व इश्वरी अवसारे या तीन मराठी मुलींचा समावेश आहे.