Harleen Deol Century INDW vs WIW 2nd ODI: वेस्ट इंडिजविरूद्ध दुसऱ्या वन-डे सामन्यातही भारताने प्रथम फलंदाजी करत ३०० पार धावसंख्या उभारली. सुरूवातीपासूनच भारतीय फलंदाज चांगल्या लयमध्ये दिसून आल्या. स्मृती मानधना, प्रतिका रावल व जेमिमाह रॉड्रीग्स यांच्या अर्धशतकांना हर्लिन देओलच्या शतकाची जोड मिळाली आणि भारतीय संघाने वेस्ट इंडिजला विजयासाठी ३५९ धावांचे तगडे लक्ष्य दिले. वन-डेमधील भारताची ही आत्तापर्यंतची संयुक्तपणे सर्वाधिक मोठी धावसंख्या आहे. २०१७ भारतीय संघाने आर्यलॅंडविरूद्ध २ बाद ३५८ धावा केल्या होत्या.