BCCI’s New Rule Allows Unregistered Players as Replacements : इंडियन प्रीमिअर लीग २०२५ स्पर्धा तोंडावर आली असताना याची उत्सुकता वाढवण्यासाठी BCCI ने मोठं पाऊल उचललं आहे. मागच्या वर्षी आयपीएल २०२५ साठी मेगा ऑक्शन घेतलं गेलं आणि त्यात प्रत्येक संघांनी त्यांना अपेक्षित खेळाडूंवर तगडी बोली लावून आपल्या संघाची मजबूत बांधणी केली. २२ मार्चपासून कोलकाता नाइट रायडर्स जेतेपदाचा ताज कायम राखण्याच्या मोहिमेला सुरुवात करताना रॉयल चॅलेंजर्स बंगळुरूचा सामना करणार आहे. त्याचवेळी हॅरी ब्रूक सारख्या तगड्या खेळाडूने माघार घेतल्याने नव्या नियमानुसार त्याच्यावर दोन वर्षांची बंदी घातली गेली आहे. त्यात BCCI ने आणखी एक नवीन नियम आणला आहे आणि त्यानुसार फ्रँचायझीला एका सामन्यासाठी 'बाहेर'चा खेळाडू खेळवता येणार आहे. आता हा बाहेरचा खेळाडू म्हणजे काय आणि त्यासाठीच्या अटी व शर्थी काय हे जाणून घेऊयात...