IPL 2027 Trade : मुंबई इंडियन्सच्या ताफ्यात आणखी एक खळबळ! 'स्टार' खेळाडूला थेट कर्णधारपदाची ऑफर, त्याच्या भूमिकेकडे लक्ष...

Mumbai Indians leadership transition IPL 2027: इंडियन प्रीमिअर लीग २०२७ साठी मुंबई इंडियन्सच्या ताफ्यात बदलाचे जोरदार वारे वाहायला लागले आहेत. गुजरात टायटन्सनकडून मोठी रक्कम देऊन ताफ्यात घेतलेल्या हार्दिक पांड्याला, तीन वर्षांत काही खास करता आले नाही. मुंबई इंडियन्सची कामगिरीही निराशाजनक राहिली आणि त्यामुळे हार्दिकला हटवणार असल्याची चर्चा सुरू झाली. हाती आलेल्या अपडेट्सनुसार राजस्थान रॉयल्ससोबत ट्रेडिंगची चर्चा सुरू आहे आणि हार्दिकच्या बदल्यात मुंबईला यशस्वी जैस्वाल हवा आहे. हे सर्व सुरू असताना मुंबई इंडियन्सचा आणखी एक स्टार खेळाडू संघ सोडण्याच्या चर्चा तीव्र झाल्या आहेत.