Yashasvi Jaiswal : फेब्रुवारीतील पुरस्कारासाठी जयस्वालला नामांकन

दुबई : इंग्लंडविरुद्ध सध्या सुरू असलेल्या कसोटी मालिकेत दोन द्विशतकांसह सर्वाधिक धावा करणाऱ्या यशस्वी जयस्वालला आयसीसीच्या वार्षिक सर्वोत्तम खेळाडूसाठी नामांकन मिळाले आहे.

न्यूझीलंडचा केन विल्यम्सन आणि श्रीलंकेचा पाथून निसांका हे सुद्धा शर्यतीत आहेत. फेब्रुवारी महिन्यासाठीचा हा पुरस्कार असेल. जयस्वालला अशा पुरस्कारांसाठी प्रथमच नामांकन मिळाले आहे. त्याने मालिकेतील चार कसोटी सामन्यांत मिळून ६५५ धावा केल्या आहेत.

त्यात विशाखापट्टणम आणि राजकोट येथे झालेल्या सामन्यात द्विशतके केली आहेत. राजकोट येथील सामन्यात तर त्याने एका डावात सर्वाधिक १२ षटकार मारण्याच्या विक्रमाशी बरोबरी केली.