AJINKYA RAHANE NEW CAPTAIN OF KKR FOR IPL 2025: कोलकाता नाईट रायडर्स (KKR) संघाने इंडियन प्रीमिअर लीग २०२५ च्या पर्वासाठी अजिंक्य रहाणे याची कर्णधारपदी, तर वेंकटेश अय्यर याची उपकर्णधारपदी नियुक्ती करण्याची अधिकृत घोषणा केली.
आयपीएल २०२५ च्या लिलावात सुरुवातीच्या टप्प्यात अनसोल्ड राहिलेल्या अजिंक्यला गतविजेत्या कोलकाता नाइट रायडर्सने अंतिम टप्प्यात मुळ किंमतीत आपल्या ताफ्यात दाखल करून घेतले.
आयपीएल विजेत्या श्रेयस अय्यरला रिलिज केल्यानंतर KKR कडे अनुभवी खेळाडू नव्हता आणि अजिंक्यच्या निवडीनंतर तोच कर्णधार असेल हे निश्चित मानले गेले होते. पण, वेंकटेश अय्यरही या शर्यतीत होता. आज अखेर अजिंक्यच्या नावावर शिक्कामोर्तब झाले.