MS Dhoni भारतीय संघाचा कोच होणार? चर्चेला उधाण; माजी क्रिकेटर म्हणतोय, कठीण काम...

एमएस धोनी भारतीय संघाचा मुख्य प्रशिक्षक होणार का, याबाबत चर्चा सुरू आहे. धोनीने २०२१ टी२० वर्ल्ड कपमध्ये मेंटॉर म्हणून काम केले होते.आकाश चोप्राच्या मते, धोनीला प्रशिक्षकपदात रस नसेल..भारताचे माजी क्रिकेटपटू एमएस धोनी आणि गौतम गंभीर नुकतेच एका लग्नात एकत्र आले होते. त्यांचे फोटोही व्हायरल झाले आहेत. धोनीने आंतरराष्ट्रीय क्रिकेटमधून निवृत्ती घेतली असली, तरी तो आयपीएलमध्ये सक्रिय आहे, तर गौतम गंभीर सध्या भारतीय संघाचा मुख्य प्रशिक्षक आहे. गंभीरला प्रशिक्षकपद सांभाळून आता वर्ष झाले आहे. त्याच्या प्रशिक्षकपदासाठी भारताची कामगिरी संमिश्र झाली आहे. अशाच अशीही चर्चा होत असते की धोनी भारताचा मुख्य प्रशिक्षक बनू शकतो का?.IPL 2026 Update: संजू सॅमसन CSKच्या ताफ्यात नाही जाणार; RR फ्रँचायझीने केला गेम, MS Dhoni चा प्लॅन फसला.धोनीने यापूर्वी २०२१ टी२० वर्ल्ड कप दरम्यान भारतीय संघाचे मेंटॉर म्हणून काम पाहिले आहे. दरम्यान, सध्या तरी धोनी आयपीएलमध्ये सक्रिय आहे, तो त्यातून जोपर्यंत निवृत्ती घेत नाही, तोपर्यंत भारतीय संघाचे प्रशिक्षकपद सांभाळू शकत नाही. तथापि, धोनी प्रशिक्षण क्षेत्रात उतरण्याची शक्यता कमी असल्याचे मत माजी क्रिकेटपटू आकाश चोप्राने मांडले आहे..आकाश चोप्रा त्याच्या युट्युब चॅनेलवर धोनी मुख्य प्रशिक्षक बनण्याच्या शक्यतेबाबत बोलताना म्हणाला, 'ही खूप मोठी गोष्ट आहे. मला वाटत नाही की धोनीला यात रस असेल. प्रशिक्षकाचे काम कठीण आहे. प्रशिक्षक झाल्यानंतर तुम्ही खूप व्यस्त राहता, जसे तुम्ही खेळत असताना व्यस्त असता किंवा त्यापेक्षाही जास्त.'.आकाश चोप्रा पुढे म्हणाला, 'पण तुमचे कुटुंबही आहे. तुम्ही आजपर्यंतच्या आयुष्यात एकच काम केलं आहे आणि आता तेच काम पुन्हा करायची इच्छा नसेल. याच कारणामुळे अनेक खेळाडू प्रशिक्षण क्षेत्रात येत नाहीत. काहीजणं केवळ आयपीएलपुरतेच मर्यादीत असतात. पण जर तुम्ही पूर्णवेळ भारताचे प्रशिक्षक झाला, तर तुम्हाला किमान १० महिने त्या कामासाठी द्यावे लागतील.'धोनीने अद्याप आयपीएलमध्ये सक्रिय असला, तरी आयपीएल २०२६ मध्ये त्याच्या उपलब्धतेवर प्रश्नचिन्ह आहे. तो त्यापूर्वीच निवृत्ती घेऊ शकतो, अशी चर्चा आहे. त्याने म्हटले आहे की डिसेंबरपर्यंत तो आयपीएलमध्ये पुढे खेळणे सुरू ठेवायचे की नाही, याचा निर्णय घेईल..MS Dhoni: 'गुडघा दुखतोय त्याच काय...', IPL 2026 मध्ये खेळण्याबाबत धोनीने काय दिलं उत्तर? पाहा Video.धोनीच्या अनुभवाबद्दल सांगायचे झाले, तर त्याला मोठा अनुभव आहे. त्याच्या नेतृत्वात भारताने तीन आयसीसी ट्रॉफी जिंकल्या असून त्याने ५३८ आंतरराष्ट्रीय सामने खेळताना ५२६ डावात १७२६६ धावा केल्या आहेत. यष्टीरक्षण करताना त्याने ६३४ झेल आणि १९५ यष्टीचीत असे मिळून ८२९ बळी घेतले आहेत.आयपीएलमध्येही त्याने सर्वाधिक २७८ सामने खेळकाना ५४३९ धावा केल्या आहेत..FAQsएमएस धोनी भारताचा मुख्य प्रशिक्षक होऊ शकतो का?(Will MS Dhoni become India’s head coach?)➡️ आकाश चोप्राच्या मते एमएस धोनी प्रशिक्षक होण्याची शक्यता कमी आहे.गौतम गंभीर सध्या कोणत्या भूमिकेत आहे?(What role is Gautam Gambhir currently in?)➡️ गौतम गंभीर सध्या भारतीय क्रिकेट संघाचा मुख्य प्रशिक्षक आहे.धोनीने याआधी प्रशिक्षक किंवा मेंटॉरची भूमिका निभावली आहे का?(Has Dhoni taken any mentoring role before?)➡️ होय, २०२१ टी२० वर्ल्ड कपमध्ये धोनी भारतीय संघाचा मेंटॉर होता.धोनीच्या नेतृत्वाखाली भारताने किती आयसीसी ट्रॉफी जिंकल्या आहेत?(How many ICC trophies has India won under Dhoni?)➡️ धोनीच्या नेतृत्वाखाली भारताने तीन आयसीसी ट्रॉफी जिंकल्या आहेत.धोनीच्या आंतरराष्ट्रीय कारकीर्दीत किती धावा आहेत?(How many runs has Dhoni scored in international cricket?)➡️ धोनीने १७२६६ आंतरराष्ट्रीय धावा केल्या आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

MS Dhoni भारतीय संघाचा कोच होणार? चर्चेला उधाण; माजी क्रिकेटर म्हणतोय, कठीण काम...

Related Stories