Asia Cup 2025 साठी पाकिस्तान संघाची घोषणा! बाबर आझम, रिझवानला डच्चू; पाहा कोण झालं कर्णधार

आशिया कप २०२५ साठी पाकिस्तान संघाची घोषणा झाली आहे. बाबर आझम आणि मोहम्मद रिझवान यांना संघात स्थान मिळाले नाही. आशिया कपमध्ये पाकिस्तानचा पहिला सामना ओमानविरुद्ध १२ सप्टेंबरला होणार आहे..आशिया कप २०२५ स्पर्धा ९ ते २८ सप्टेंबर दरम्यान खेळवली जाणार आहे. त्यामुळे आता या स्पर्धेसाठी तीन आठवड्यांचा कालावधी शिल्लक आहे. अशातच पाकिस्तान क्रिकेट बोर्डाने आशिया कप २०२५ स्पर्धेसाठी १७ जणांचा संघ जाहीर केला आहे. त्यांनी आशिया कपसह त्याआधी होणाऱ्या टी२० तिरंगी मालिकेसाठीही संघाची घोषणा केली आहे. .Asia Cup 2025: जसप्रीत बुमराहची टीम इंडियात निवड होणार की नाही? महत्त्वाची अपडेट आली समोर.पाकिस्तान संघ २९ ऑगस्ट ते ७ सप्टेंबर दरम्यान शारजाह क्रिकेट स्टेडियमवर अफगाणिस्तान आणि संयुक्त अरब अमिराती या संघासह तिरंगी मालिका खेळणार आहे. त्यानंतर आशिया कप स्पर्धेत सहभागी होणार आहेत.पाकिस्तान आशिया कप स्पर्धेत भारत, ओमान आणि युएई संघासह ए ग्रुपमध्ये आहे. आशिया कप २०२५ स्पर्धा टी२० स्वरुपात युएईमध्ये खेळवली जाणार आहे. यात ८ संघ सहभागी होणार आहेत..आशिया कप २०२५ स्पर्धेसाठी पाकिस्तानच्या कर्णधारपदी सलमान अली आघाची निवड करण्यात आली आहे. तसेच १७ जणांच्या पाकिस्तान संघात फखर जमान, शाहिन आफ्रिकी, हॅरीस रौफ, हसन अली, फहिम अश्रफ सारखे अनुभवी खेळाडू आहेत, तसेच सईम आयुब, हसन नवाज, मोहम्मद हॅरीस या युवा खेळाडूंनाही संघात स्थान मिळाले आहे.मात्र, पाकिस्तानच्या टी२० संघात स्थान मिळवण्यात माजी कर्णधार बाबर आझम आणि मोहम्मद रिझवान यांना अपयश आले आहे. खराब फॉर्ममुळे त्यांना संघात स्थान टिकवून ठेवणे कठीण झाले आहे..आशिया कप स्पर्धेत पाकिस्तानचा पहिला सामना १२ सप्टेंबर रोजी ओमानविरुद्ध होणार आहे. त्यानंतर १४ सप्टेंबर रोजी भारताविरुद्ध त्यांचा सामना नियोजित आहे. मात्र सध्या भारतातून यासामन्याला विरोध होत आहे. त्यामुळे हा सामना होणार की नाही, यावर प्रश्नचिन्ह कायम आहे. १७ सप्टेंबर रोजी युएईविरुद्ध पाकिस्तान सामना खेळेल..Asia Cup 2025: इंग्लंड दौरा गाजवूनही शुभमन गिलला टीम इंडियात संधी मिळणार नाही! संजू सॅमसन ठरणार कारण?.तिरंगी मालिका आणि आशिया कप २०२५ स्पर्धेसाठी पाकिस्तान संघसलमान अली आगा (कर्णधार), अबरार अहमद, फहीम अश्रफ, फखर जमान, हॅरिस रौफ, हसन अली, हसन नवाज, हुसैन तलत, खुशदिल शाह, मोहम्मद हॅरिस (यष्टीरक्षक), मोहम्मद नवाज, मोहम्मद वसीम ज्यूनियर, साहिबजादा फरहान, सईम आयुब, सलमान मिर्झा, शाहीन शाह आफ्रिदी आणि सुफियान मोकीम..FAQs१. आशिया कप २०२५ कधी होणार आहे?(When will Asia Cup 2025 be played?)➡️ आशिया कप २०२५ स्पर्धा ९ ते २८ सप्टेंबरदरम्यान युएईमध्ये होणार आहे.२. आशिया कप २०२५ साठी पाकिस्तानचा कर्णधार कोण आहे?(Who is the captain of Pakistan for Asia Cup 2025?)➡️ आशिया कप २०२५ साठी पाकिस्तानचा कर्णधार सलमान अली आगा आहे.३. आशिया कप २०२५ मध्ये पाकिस्तानचा पहिला सामना कोणाविरुद्ध आहे?(Who will Pakistan play their first match against?)➡️ आशिया कप २०२५ मध्ये पाकिस्तानचा पहिला सामना १२ सप्टेंबर रोजी ओमानविरुद्ध आहे.४. आशिया कप २०२५ मध्ये पाकिस्तान कोणत्या ग्रुपमध्ये आहे?(Which group is Pakistan placed in?)➡️ आशिया कप २०२५ मध्ये पाकिस्तान ए ग्रुपमध्ये भारत, ओमान आणि युएईसोबत आहे.५. तिरंगी मालिका कधी खेळली जाणार आहे?(When will the tri-series be played?)➡️ २९ ऑगस्ट ते ७ सप्टेंबरदरम्यान शारजाहमध्ये तिरंगी मालिका होईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Asia Cup 2025 साठी पाकिस्तान संघाची घोषणा! बाबर आझम, रिझवानला डच्चू; पाहा कोण झालं कर्णधार

Related Stories