R Ashwin Video: तू माझ्यावर जळत असशील, तर...; हरभजन सिंगशी बोलताना अश्विन नेमकं काय म्हणाला?

थोडक्यात.आर अश्विन आणि हरभजन सिंग यांनी नुकताच एकमेकांविषयी मत्सर वाटतो, यावर भाष्य केले आहे.अश्विनने हरभजन सिंगला विचारलं की तो त्याच्यावर जळतो का?त्यावर हरभजन आणि अश्विन या दोघांनीही सविस्तर भाष्य केले..हरभजन सिंग आणि आर अश्विन यांची गणना आता दिग्गज फिरकीपटूंमध्ये केली जाते. भारताकडून सर्वाधिक विकेट्स घेणाऱ्या अव्वल ५ गोलंदाजांमध्येही त्यांच नाव आहे. पण दोघांचीही कारकिर्द वेगवेगळ्या टप्प्यावर सुरू झाली, ज्यामुळे त्यांचं नातं फारसं चांगलं नसल्याचंही म्हटलं गेलं. आता त्यावरच त्यांनी भाष्य केलं आहे..R Ashwin: अपांयरवर चिडणं अन् बॅट आपटणं आर अश्विनला भोवलं; TNPL दरम्यान झाली मोठी कारवाई.अश्विनची कसोटी कारकिर्द २०११ मध्ये सुरू झाली, यावेळी हरभजनने आंतरराष्ट्रीय क्रिकेटमध्ये १३ वर्षांहून अधिक काळ झाला होता. काही वर्षे अश्विन आणि हरभजन एकाचवेळी भारतीय संघात होते, पण नंतर अश्विनने भारतीय संघातील हरभजनची जागाही घेतली. हरभजनने २०१५ मध्ये शेवटचा कसोटी आणि वनडे सामना खेळला, तर २०१६ मध्ये शेवटचा टी२० सामना खेळला होता. त्यामुळे अश्विनने हरभजनची जागा घेतल्याने त्यांच्यात फारसं सख्य नसल्याचे म्हटले गेले. याबाबत आता अश्विनच्या युट्यूब चॅनेलवर पॉडकास्टमध्ये दोघांनीही यावर सविस्तर भाष्य केले आहे..अश्विनने हरभजनला विचारले की 'याबाबी मत्सराबद्दल आहेत. तू मला याबाबत उत्तर देण्यापूर्वी मला काही गोष्टी स्पष्ट करायच्या आहेत. लोकं आपापल्या दृष्टीतून प्रत्येक गोष्टीकडे पाहतात. उदाहरणार्थ, जर ते माझ्याबद्दल काहीतरी कमेंट करत असतील, तर त्यांना वाटतं इतरांनीही त्यांच्याच नजरेने पहावं. जेव्हा ते म्हणतात की तू माझ्यावर जळतोस, तर तू त्याबद्दल काय सांगशिल भज्जू पा?'.R Ashwin Fifty: ११ चौकार अन् ३ षटकार... अश्विनचा गोलंदाजीनंतर फलंदाजीत कहर! सलामीला केली वादळी खेळी.त्यावर हरभजन म्हणाला, 'तुला असं वाटतंय का की मी तुझ्यावर जळतो? तू माझ्यासोबत आत बसलाय आणि आपण इतकावेळ बोलतोय. तूला असं वाटलं का की मी तसा व्यक्ती आहे?'त्यानंतर अश्विन म्हणाला की त्याला असं नाही वाटत की हरभजन त्याच्यावर जळतो. पण त्याने वॉशिंग्टन सुंगरचं उदाहरण देत म्हटले की तो आता भारतीय संघात आहे आणि हे नैसर्गिक आहे. तो म्हणाला, 'जरी तू खरंच जळत असशील, तरी मला वाटतं की ते नैसर्गिकच आहे आणि पूर्णपणे योग्य आहे. हाच माझा मुद्दा आहे. मी या गोष्टींना चुकीचंही ठरवणार नाही कारण आपण सर्वजण माणूस आहोत. आशा भावना स्वाभाविक आहे. काही लोकांना वाटते की वॉशिंग्टन सुंदर चर्चेत असल्याने मी निवृत्त झालो. पण हे सर्व दुसऱ्यांचे दृष्टीकोन आहेत.'.अश्विन गेल्यावर्षाच्या अखेरीस आंतरराष्ट्रीय क्रिकेटमधून निवृत्त झाला आहे. अश्विनने २८७ आंतरराष्ट्रीय सामने खेळताना ३७९ डावात ७६५ विकेट्स घेतल्या आहेत. तसेच हरभजन सिंगने ३६७ आंतरराष्ट्रीय सामन्यांतील ४४४ डावात ७११ विकेट्स घेतल्या आहेत..FAQs.अश्विन आणि हरभजन यांच्यात मत्सर होता का?अश्विनने सांगितलं की काही प्रमाणात मत्सर नैसर्गिक असतो, पण दोघांमध्ये सन्मानाचं नातं आहे..हरभजनने अश्विनच्या प्रश्नाला काय उत्तर दिलं?हरभजनने स्पष्ट केलं की तो अश्विनवर कधीच जळला नाही आणि तो तसा व्यक्तीही नाही..अश्विन आणि हरभजनने किती विकेट्स घेतल्या आहेत?अश्विनने ७६५ आणि हरभजनने ७११ आंतरराष्ट्रीय विकेट्स घेतल्या आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

R Ashwin Video: तू माझ्यावर जळत असशील, तर...; हरभजन सिंगशी बोलताना अश्विन नेमकं काय म्हणाला?

Related Stories