Ranji Trophy : भारतीय संघातून पत्ता कट झाल्यानंतर श्रेयस अय्यर 'या' सामन्यातून बाहेर

Ranji Trophy 2024 Shreyas Iyer : बाद फेरी अगोदर निश्चित झालेल्या मुंबईचा आजपासून आसामविरुद्ध अखेरचा रणजी सामना सुरू होत आहे. भारतीय संघातून वगळण्यात आलेला श्रेयस अय्यर या सामन्यास मुकणार आहे.

इंग्लंडविरुद्धच्या दुसऱ्या कसोटी सामन्यानंतर त्याची पाठ दुखावली होती, याच वेळी बीसीसीआयने भारतीय संघात नसलेल्या सर्व खेळाडूंना रणजी सामन्यात खेळणे बंधनकारक केलेले आहे.

मुंबईसाठी आसामविरुद्धचा हा सामना बाद फेरीसाठी सराव सामना असणार आहे. गेल्या सामन्यांत विश्रांती देण्यात आलेला शिवम दुबे संघात परतला आहे. गेल्या सामन्यात अर्धशतक केलेला कर्णधार अजिंक्य रहाणेकडे आता सातत्य मिळवण्याचे आव्हान असणार आहे.

अजिंक्य रहाणे (कर्णधार), शिवम दुबे, पृथ्वी शॉ, भुपेन लालवानी, अमोघ भटकळ, सूर्यांश शेडगे, प्रसाद पवार, हार्दिक तामोरे, शार्दुल ठाकूर, शम्स मुलानी, तनुष कोटियन, आदित्य धुमाळ, तुषार देशपांडे, मोहित अवस्थी, धवल कुलकर्णी आणि रॉस्टन डायस.