Ranji Trophy : क्रिकेट विश्वात पसरली शोककळा! रणजी क्रिकेटपटू रोहित शर्माचे निधन

Ex-Rajasthan Opener Rohit Sharma Passes away : क्रिकेट चाहत्यांसाठी एक वाईट बातमी आली आहे. माजी भारतीय रणजी क्रिकेटपटू रोहित शर्माचे निधन झाले आहे. त्यामुळे क्रिकेट विश्वात शोककळा पसरली आहे. तो बरेच दिवस आजारी होता. रोहितवर राजस्थानमधील जयपूरमध्ये उपचार सुरू होते. मात्र गेल्या शनिवारी या खेळाडूने जगाचा निरोप घेतला. यामुळे त्याच्या चाहत्यांना मोठा धक्का बसला आहे.

रोहित शर्माने राजस्थानच्या जयपूरमध्ये स्वतःची क्रिकेट अकादमीही चालवल्याचे सांगितले जात आहे. आरएस अकादमी असे याचे नाव आहे. तो एक अष्टपैलू खेळाडू होता ज्याच्याकडे गोलंदाजीबरोबरच फलंदाजीमध्ये उत्कृष्ट कामगिरी करण्याची क्षमता होती.

माजी भारतीय रणजी क्रिकेटपटू रोहित शर्माने 2004 मध्ये सर्व्हिसेसविरुद्ध प्रथम श्रेणी क्रिकेटमध्ये पदार्पण केले होते. तो राजस्थानसाठी 7 रणजी सामने खेळला आहे. याशिवाय माजी क्रिकेटपटूने 28 एकदिवसीय रणजी सामने आणि 4 टी-20 सामनेही खेळले आहेत.

माजी रणजी क्रिकेटपटू रोहित शर्मा 2004 ते 2009 दरम्यान क्रिकेट खेळला. यानंतरही त्याने क्रिकेटमधून पूर्णपणे निवृत्ती घेतली नाही, उलट तो अ श्रेणी क्रिकेट खेळायचा. रोहित शर्मा एक अष्टपैलू तसेच कर्णधार होता. रणजी ट्रॉफी, फर्स्ट क्लास व्यतिरिक्त त्याने इतर क्रिकेट फॉरमॅटमध्येही कर्णधारपद भूषवले आहे. या खेळाडूबद्दल असे म्हटले जाते की तो एक स्फोटक फलंदाज होता.