रणजी ट्रॉफी २०२४-२५ स्पर्धा आता अखेरच्या टप्प्यात असून उपांत्य फेरीचे सामने सध्या सुरू आहे. नागपूरला विदर्भ क्रिकेट असोसिएशन स्टेडियमवर विदर्भ विरुद्ध मुंबई संघात उपांत्य सामना होत आहे.
या सामन्यात मुंबई संघाला २५ वर्षांचा अष्टपैलू खेळाडू नडला आहे. त्याने पहिल्याच डावात मुंबईला संकटात टाकले आहे. या खेळाडूचं नाव आहे पार्थ रेखाडे.
उपांत्य सामन्यात विदर्भाने नाणेफेक जिंकून प्रथम फलंदाजी करण्याचा निर्णय घेतला होता. त्यानंतर विदर्भाने पहिल्या डावात १०७.५ षटकात ३८३ धावा केल्या. विदर्भाचा डाव दुसऱ्या दिवशी म्हणजे मंगळवारी (१८ फेब्रुवारी) रोजी संपला.