ICC Champions Trophy 2025: पुढच्या वर्षी होणाऱ्या चॅम्पियन्स ट्रॉफीचा तिढा अद्याप सुटलेला नाही. पाकिस्तान क्रिकेट बोर्डाला ( PCB) या स्पर्धेचे यजमानपद मिळाले असले तरी भारताच्या पाकिस्तान दौऱ्यावर जाण्यास नकार दिल्याने पेच वाढला आहे. त्यात पाकिस्तानचा माजी खेळाडू राशिद लतिफ ( Rashid Latif) याने पाकिस्तान बोर्डाचेच वाभाडे काढले आहे. BCCI कोणता निर्णय घेण्यापूर्वी पाकिस्तानने चॅम्पियन्स ट्रॉफीतून माघार घ्यावी, असा सल्ला त्याने दिला आहे. पाकिस्तानच्या माजी खेळाडूच्या या पवित्र्याने सर्वांना आश्चर्याचा धक्का बसला आहे.