पैशासाठी IPL विजेत्या KKR ची साथ सोडायला निघालेला भारतीय खेळाडू! धक्कादायक खुलासा

२०१४ मध्ये कोलकाता नाईट रायडर्सकडून ६६० धावा करून ऑरेंज कॅप आणि ट्रॉफी जिंकली.या यशानंतरही उथप्पाला कोलकाता संघ सोडण्याची इच्छा होती.याबाबत आता त्यानेच खुलासा केला आहे..इंडियन प्रीमियर लीग (IPL) मध्ये यशस्वी संघामध्ये चेन्नई सुपर किंग्स आणि मुंबई इंडियन्सनंतर कोलकाता नाईट रायडर्सचे नाव घेतले जाते. कोलकाता नाईट रायडर्सने २०१२, २०१४ आणि २०२४ मध्ये आयपीएल जिंकले आहे. कोलकाताला २०१४ साली आयपीएल जिंकून देण्यात रॉबिन उथप्पाने मोलाचा वाटा उचलला होता. मात्र त्यानंतर लगेचच त्याने कोलकाताला सोडून आयपीएल लिलावात उतरण्याचा निर्णय घेतला होता. अखेर त्याने याबाबत खुलासा केला आहे..IPL 2026: काय ते स्पष्ट सांगा, संघात ठेवणार आहात की नाही? R Ashwin चा CSK ला थेट सवाल; Viral Video ने खळबळ.२०१४ आयपीएलपूर्वी उथप्पा पुणे वॉरियर्स इंडिया संघाकडून खेळत होता. मात्र हा संघ आयपीएलमधून बाद झाल्यानंतर त्याला लिलावात कोलकाता नाईट रायडर्सने ५ कोटी रुपयांना खरेदी केले होते. त्या हंगामात उथप्पा खेळलाही चांगला. त्याने गौतम गंभीरच्या नेतृत्वात कोलकाताकडून खेळताना ६६० धावा केल्या. त्यामुळे त्याने ऑरेंज कॅपही जिंकली. तसेच त्यावर्षी कोलकाताने ट्रॉफीही जिंकली होती. पण त्यानतंर उथप्पाला हा संघ सोडायचा होता. यामागे आणखी पैसे मिळावेत अशी त्याची इच्छा होती..उथप्पाने याबाबत जेरड किम्बरच्या युट्यूब शोमध्ये बोलताना सांगितले की 'पुणे वॉरियर्स इंडियानंतर मला कोलकाता नाईट रायडर्सने ५ कोटी रुपयांना खरेदी केले होते. ते वर्ष माझ्यासाठी यशस्वी ठरले. आम्ही आयपीएलही जिंकलो आणि मला ऑरेंज कॅपही मिळाली. त्यानंतर मला कोलकाताला सोडायची इच्छा होती, मला परत लिलावात जायचं होतं. मला आणखी कमाई करण्याची संधी होती, असं वाटत होतं. खरं सांगायचं तर तुम्ही किती काळ खेळता? ३५, ३६ वर्षांपर्यंत. मी त्यावेळी २९ वर्षांचा होतो. त्यामुळे मला माझी कमाई वाढवायची होती.'.त्याने पुढे सांगितलं, 'मी त्यानंतर कोलकाता नाईट रायडर्सच्या लीडरशीप ग्रुपशी चर्चा केली. त्यांनी यासाठी नकार गिला. त्यांनी सांगितलं की आम्ही तुला असं जाऊ देणार नाही. आम्हाला तू आमच्यासाठी दीर्घकाळ खेळत रहावं असं वाटतंय. त्यानंतर मी त्यांच्याशी पुन्हा बोललो. पण त्या करारानुसार मी ५ कोटी रुपयांपेक्षा जास्त कमावू शकत नव्हतो. त्यामुळे मी ती गोष्ट सोडून दिली. मला फक्त एक प्रयत्न करून पाहायला होता आणि ती चर्चा त्यावेळी करणं योग्य होतं.'.Mumbai Indians ने पायावर धोंडा मारून घेतला, CSKने तुक्का मारला अन् स्टार सापडला; एबी डिव्हिलियर्सने IPL फ्रँचायझीचे टोचले कान.उथप्पा नंतर २०१९ पर्यंत कोलकाताकडून खेळला. त्याने त्यांच्यासाठी चांगली कामगिरीही केली. २०२० मध्ये त्याला राजस्थान रॉयल्सने खरेदी केले. त्यानंतर २०२१ आणि २०२२ हंगाम उथप्पा चेन्नई सुपर किंग्सकडून खेळला. उथप्पाने आयपीएलमध्ये २०५ सामने खेळले असून ४९५२ धावा केल्या..FAQs१. रॉबिन उथप्पा कोलकाता नाईट रायडर्सकडून केव्हा खेळायला लागला?(When did Robin Uthappa start playing for Kolkata Knight Riders?)➤ २०१४ आयपीएल लिलावात कोलकाता नाईट रायडर्सने रॉबिन उथप्पाला ५ कोटी रुपयांना खरेदी केले.२. २०१४ च्या आयपीएलमध्ये रॉबिन उथप्पाची कामगिरी कशी होती?(How was Uthappa’s performance in IPL 2014?)➤ रॉबिन उथप्पाने २०१४ आयपीएल हंगामात ६६० धावा करत ऑरेंज कॅप जिंकली आणि संघाला विजेतेपद मिळवून दिलं.३. रॉबिन उथप्पाने कोलकाता नाईट रायडर्स संघ का सोडायचं ठरवलं होतं?(Why did Uthappa want to leave Kolkata Knight Riders?)➤ रॉबिन उथप्पाला आणखी जास्त कमाई करण्याची संधी हवी होती आणि करारानुसार त्याचे उत्पन्न ५ कोटींपेक्षा वाढत नव्हते.४. कोलकाताने उथप्पाला सोडण्यास का नकार दिला?(Why did KKR refuse to release Uthappa?)➤ व्यवस्थापनाला तो दीर्घकाळ संघासाठी खेळावा असं वाटत होतं आणि त्यामुळे त्यांनी त्याला सोडण्यास नकार दिला.५. कोलकातानंतर उथप्पा कोणत्या IPL संघांसाठी खेळला?(Which teams did Uthappa play for after leaving KKR?)➤ २०२० मध्ये राजस्थान रॉयल्स आणि २०२१-२०२२ मध्ये चेन्नई सुपर किंग्सकडून रॉबिन उथप्पा खेळला.६. रॉबिन उथप्पाने आयपीएलमध्ये किती धावा केल्या?(How many runs did Uthappa score in IPL?)➤ रॉबिन उथप्पाने २०५ आयपीएल सामन्यांत ४९५२ धावा केल्या..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

पैशासाठी IPL विजेत्या KKR ची साथ सोडायला निघालेला भारतीय खेळाडू! धक्कादायक खुलासा

Related Stories