Will Rohit Sharma retire after Lord's ODI?
esakal
Rohit Sharma Exit May Trigger Virat Kohli's Decision: हिटमॅन रोहित शर्मासाठी १९ जुलै २०२६, चा दिवस अत्यंत महत्त्वाचा ठरणार आहे. २०२७ चा वन डे वर्ल्ड कप जिंकण्याचे स्वप्न पाहणाऱ्या, रोहितला निवड समिती व संघ व्यवस्थापनाने, बाबा थांब... अशा सूचना केल्या आहेत. त्याचा फॉर्मही त्याच्यावर रुसल्याने मुख्य प्रशिक्षक गौतम गंभीरला संधीच मिळाली आहे. त्यामुळेच काही दिवसांपूर्वी रोहितला तू बिनधास्त खेळ, संघातील जागेची पर्वा करू नको असा सांगणारा गौतम गंभीर... आता थांब २०२७ च्या वर्ल्ड कप योजनेत तू नाहीस, असे हिटमॅनला सांगून मोकळा झाला. त्यामुळेच लॉर्ड्सवर रविवारी होणारा India vs England तिसरा वन डे सामना हा त्याचा शेवटचा असेल... यानंतर रोहित निवृत्ती घेईल की देशांतर्गत स्पर्धा गाजवून पुन्हा टीम इंडिया कमबॅक करेल, ते रविवारीच स्पष्ट होईल. पण, जर रोहितने निवृत्ती घेतली आणि त्याचवेळी विराट कोहलीनेही थांबण्याचा निर्णय घेतला तर काय? यापूर्वी दोनवेळा असे घडलेले दिसलेय आणि आताही हे घडू शकते...
