कसोटीतून निवृत्ती का घेतली? Rohit Sharma अनावधानाने सत्य बोलून गेला; काय म्हणाला वाचा

रोहित शर्मा आणि विराट कोहलीच्या कसोटी क्रिकेटमधून निवृत्तीने अनेकांना धक्का दिला. रोहितने कसोटी क्रिकेटच्या शारीरिक आणि मानसिक आव्हानांबद्दल भाष्य केले. त्याने तयारीचे महत्त्व अधोरेखित केले, ज्यामुळे खेळाडू दीर्घकाळ टिकून राहू शकतात..भारतीय क्रिकेट संघ विशेषत: कसोटीमध्ये सध्या संक्रमणाच्या काळातून जात आहे. आर अश्विननंतर मे महिन्यात रोहित शर्मा आणि विराट कोहली यांनी अचानक कसोटी क्रिकेटमधून निवृत्ती घेतली. त्यामुळे अनेकांना आश्चर्याचा धक्का बसला. दरम्यान जूनमध्येइ इंग्लंड दौरा सुरू होणार होता, त्याच्याआधीच विराट - रोहितने निवृत्ती घेतल्याने अनेकांना आश्चर्याचा धक्का बसला. पण आता रोहितने कसोटी निवृत्तीनंतर तीन महिन्यांनी याबाबत भाष्य केले आहे.रोहितने म्हटले की कसोटी क्रिकेट शारिरीक आणि मानसिकरित्या थकवणारे आहे. त्यामुळे रोहितच्या कसोटी निवृत्तीमागे हेच कारण असावे, अशी चर्चा आहे. तसेच त्याने म्हटलं की यासाठी तयारी लाईमलाईटपासून दूर राहून आणि देशांतर्गत क्रिकेटमधून होते. .Virat Kohli-Rohit Sharma: विराट-रोहितचं नाव वनडे क्रमवारीतून का झालेलं गायब? ICC कडून मिळालं उत्तर.रोहितने नुकतेच CEAT च्या एका कार्यक्रमात कसोटी क्रिकेटबद्दल बोलताना म्हटले की 'कसोटी क्रिकेटमध्ये दीर्घकाळ टिकून राहण्याच्या क्षमतेची गरज असते. तुम्हाला सामन्यात ५ दिवस टिकून रहायचं असतं. हे मानसिकदृष्ट्याही खूप आव्हानात्मक आणि थकवणारे असते.' रोहित म्हणाला, 'मुंबईमध्ये अगदी क्लब सामनेही दोन-तीन दिवस असतात. आम्ही अशाच वातावरण वाढलो आहे. तुम्ही लहानपणापासूनच अशा दीर्घकाळ चालणाऱ्या क्रिकेटसाठी आणि कठीण परिस्थितीचा सामना करण्यासाठी तयार होत असता.' .३८ वर्षीय रोहितने त्याच्या कारकिर्दीतील सुरुवातीच्या काळाबाबतही भाष्य केले. तो म्हणाला, 'जेव्हा मी सुरुवात केली होती, तेव्हा फक्त इतकं होतं की सामन्याची मजा घ्यायची आहे. त्यावेळी तुम्हाला तयारीची किंमत फारशी कळत नसते. पण वेळ जशी पुढे जाते, तुम्ही सिनियस खेळाडूंना भेटता, प्रशिक्षकांना भेटता. तेव्हा तुम्हाला जाणीव व्हायला लागते की हे किती महत्त्वाचे आहे. ही तिच शिस्त आहे जी कसोटी क्रिकेटमध्ये गरजेची असते.' .रोहित पुढे म्हणाला, 'सामन्यापूर्वी तयारी करण्यात तुमचा खूप वेळ जातो. कारण एकदा सामना सुरू झाला की केवळ दबावावर, सामन्यातील परिस्थितीवर, योग्य निर्णय घेण्याबाबत किंवा फलंदाजी किंवा गोलंदाजीबाबत काय प्रतिक्रिया द्यायची हे महत्त्वाचे असते. तुम्ही याबाबत सामना सुरू असताना तयारी करू शकत नाही. तुम्हाला ती आधीच करावी लागते, ज्यामुळे गरज असेल, तेव्हा तुम्ही प्रतिसाद देण्यास सज्ज असता.'.Rohit Sharma कर्णधार म्हणून कसा आहे? राहुल द्रविडने स्पष्टच सांगितले; म्हणाला, 'मला नेहमीच जाणवलं तो...'.रोहितने मानसिक तयारीबाबतही भाष्य केले. तो म्हणाला, 'जेव्हा तुम्ही सर्वोच्च स्तरावर चांगली कामगिरी करण्याचा प्रयत्न करता, तेव्हा तुम्ही मानसिकरित्या स्पष्ट आणि ताजे असणे गरजेचे असते. एकाग्रता हीच यशाची गुरुकिल्ली आहे आणि ही स्पष्टता तयारीमधूनच येते.' रोहितने शेवटी सांगितले की 'खेळ असो किंवा आयुष्य, तयारी हेच महत्त्वाचे आहे.' रोहित शर्माने कसोटी आणि आंतरराष्ट्रीय टी२० क्रिकेटमधून निवृत्ती घेतली आहे. तो वनडेत सक्रिय आहे. रोहितने कसोटीत ६७ सामन्यात १२ शतकांसह ४३०१ धावा केल्या आहेत. त्याने वनडेत २७३ सामन्यांत ३२ शतकांसह १११६८ धावा केल्या आहेत. आंतरराष्ट्रीय टी२० क्रिकेटमध्ये १५९ सामन्यांत ४२३१ धावा केल्या आहेत..FAQs१. रोहित शर्माने कसोटी क्रिकेटमधून कधी निवृत्ती घेतली?➤ मे २०२५ मध्ये इंग्लंड दौऱ्यापूर्वी रोहित शर्माने कसोटी निवृत्ती घेतली.(When did Rohit Sharma retire from Test cricket?)२. रोहित शर्माने कसोटी निवृत्तीबद्दल काय सांगितले?➤ रोहित शर्माने कसोटी क्रिकेट मानसिक आणि शारीरिकदृष्ट्या थकवणारे असल्याचे सांगितले.(What did Rohit Sharma say about his Test retirement?)३. रोहित शर्माने कसोटीत किती धावा केल्या आहेत?➤ रोहित शर्माने ६७ कसोटी सामन्यांत ४३०१ धावा केल्या आहेत.(How many runs has Rohit scored in Tests?)४. रोहित शर्माच्या कसोटी कारकिर्दीत किती शतकं आहेत?➤ रोहित शर्माने कसोटीत १२ शतकं झळकावली आहेत.(How many centuries has Rohit scored in Tests?)५. कसोटी क्रिकेटमधील यशाचं श्रेय रोहित शर्माने कुणाला दिलं?➤ रोहित शर्माने मुंबईतील क्लब व प्रथम श्रेणी क्रिकेटला श्रेय दिलं.(Whom did Rohit credit for his Test success?).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.