ENG vs IND: शुभमन गिल इंग्लंड दौऱ्यातून 'या' दोन खास गोष्टी घेऊन जाणार; फोटो आले समोर

भारत-इंग्लंड कसोटी मालिका २-२ अशी बरोबरीत संपली.शुभमन गिलने ५ कसोटीत ७५४ धावा करत मालिकावीर पुरस्कार पटकावला.गिलने या दौऱ्याची आठवण म्हणून दोन गोष्टी सोबत घेतली आहे..भारतासाठी २०२५ मधील इंग्लंड दौरा खास ठरला. या दौऱ्यात ५ सामन्यांची कसोटी मालिका खेळवण्यात आली होती, जी अत्यंत रोमांचक झाली. प्रत्येक सामन्याचा निकाल शेवटच्या दिवशी पाहायला मिळाला. ही मालिका भारताच्या शुभमन गिलसाठीही धमाकेदार राहिला..Shubman Gill Century: गिलचं इंग्लंडविरुद्ध चौथं शतक! 'हा' पराक्रम करणारा जगातील पहिलाच कर्णधार; ब्रॅडमन, गावसकरांचीही बरोबरी.विराट कोहली - रोहित शर्मा यांच्या कसोटी निवृत्तीनंतर गिलवर कसोटी कर्णधारपदाची जबाबदारी सोपवण्यात आली. गिल युवा खेळाडूंना घेऊन इंग्लंड दौऱ्यावर आला होता. पण या संघाने इंग्लंडच्या तोडीस तोड खेळ करत मालिकेत २-२ अशी बरोबरी केली. गिलने कर्णधारपदासोबतच भारताच्या फलंदाजीचीही धूरा समर्थपणे सांभाळली. .गिलने या मालिकेत ४ शतके करताना ७५४ धावा चोपल्या. त्यातही त्याने बर्मिंगहॅमला झालेल्या दुसऱ्या कसोटीत त्याने २६९ आणि १६१ धावांच्या मोठ्या खेळी केल्या होत्या. त्या सामन्यात त्याच्या खेळींमुळे भारताने तो सामना तब्बल ३३६ धावांनी जिंकला होता. बर्मिंगहॅममधील भारताचा हा पहिलाच विजयही ठरला होता. इतकंच नाही, तर पहिला सामना गमावल्यानंतर हा सामना जिंकून भारताने मालिकेत पुनरागमन केले होते. दरम्यान, गिलची या मालिकेतील संपूर्ण कामगिरीच चांगली राहिली. त्यामुळे त्याला मालिकावीर म्हणूनही घोषित करण्यात आले..ENG vs IND, Video: गावसकरांचं मोठं मन! इंग्लंड दौरा गाजवणाऱ्या कॅप्टन गिलला दिलं खास गिफ्ट; म्हणाले, 'माझ्या धावांपेक्षा त्याच्या...'.दरम्यान, कर्णधार म्हणून पहिली मालिका तेही इंग्लंडमध्ये बरोबरीत सोडवल्यानंतर गिल त्याच्यासोबत या दौऱ्याची खास आठवण म्हणून दोन गोष्टी घेऊन जाणार आहे. तो या मालिकेनंतर स्टम्प आणि भारतीय खेळाडूंनी स्वाक्षरी केलेली जर्सी सोबत घेऊन जाणार आहे. त्याचे फोटो त्याने सोशल मीडियावर शेअर केले होते. त्याने घेतलेल्या स्टम्पवर त्याने बर्मिंगहॅममध्ये केलेली कामगिरी लिहिलेली आहे..गिलला सुनील गावसकरांनीही दिली आहे खास भेटगिलने या मालिकेत ७५४ धावा केल्या. त्यामुळे तो भारतासाठी एका कसोटी मालिकेत सर्वाधिक धावा करणारा दुसऱ्या क्रमांकाचा फलंदाज ठरला. अव्वल क्रमांकावर सुनील गावसकर आहेत. त्यांनी १९७१ मध्ये वेस्ट इंडिज दौऱ्यात ४ सामन्यांतील ८ डावात ७७४ धावा ठोकल्या होत्या. पण गावसकरांच्या मते ते तेव्हा संघात नवीन होते, मात्र गिलने या धावा केल्या तेव्हा तो संघाचा कर्णधार होता. त्यामुळे गिलच्या धावा या त्यांच्या कामगिरीपेक्षा मोठी असल्याचे त्यांनी म्हटले. याशिवाय गिलच्या कामगिरीवर खूश होऊन त्यांनी त्याला 'SG' अशी अद्याक्षरे असलेला शर्ट आणि त्यांची स्वाक्षरी असलेली कॅप भेट दिली आहे..गिलसमोर कसोटी कर्णधार म्हणून आता ऑक्टोबरमध्ये वेस्ट इंडिजचे आव्हान असेल. वेस्ट इंडिज कसोटी मालिका खेळण्यासाठी ऑक्टोबरमध्ये भारत दौऱ्यावर येणार आहे..FAQsशुभमन गिलने इंग्लंड दौऱ्यातून काय आठवणी आणल्या?→ शुभमन गिलने इंग्लंड दौऱ्यातून स्टम्प आणि संपूर्ण भारतीय संघाच्या स्वाक्षऱ्या असलेली जर्सी घेतली.(What keepsakes did Shubman Gill bring back from England?)बर्मिंगहॅम कसोटीत शुभमन गिलची कामगिरी काय होती?→ बर्मिंगहॅम कसोटीत शुभमन गिलने २६९ आणि १६१ धावांची खेळी केली.(What was Gill’s performance in the Birmingham Test?)इंग्लंडविरुद्ध कसोटी मालिकेत शुभमन गिलने किती धावा केल्या?→ इंग्लंडविरुद्ध कसोटी मालिकेत शुभमन गिल ७५४ धावा करून मालिकावीर ठरला.(How many runs did Gill score in the series?).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

ENG vs IND: शुभमन गिल इंग्लंड दौऱ्यातून 'या' दोन खास गोष्टी घेऊन जाणार; फोटो आले समोर

Related Stories