Mumbai vs Vidarbha SMAT QF : पृथ्वी शॉला पुन्हा एकदा आधीच्या फॉर्मात पाहायला मिळाले. विदर्भ संघाने विजयासाठी ठेवलेल्या २२२ धावांचा पाठलाग करताना पृथ्वी व अजिंक्य रहाणे ( Ajinkya Rahane) यांनी वादळी फटकेबाजी केली. या दोघांनी पहिल्या पॉवर प्लेमध्ये ८३ धावांची भागीदारी केली. पृथ्वीला एका धावाने अर्धशतकाने हुलकावणी दिली, परंतु अजिंक्यने २७ चेंडूंत फिफ्टी पूर्ण केली. श्रेयस अय्यर ( Shreyas Iyer) स्वस्तात बाद झाला.