Deepak Chahar : भारतीय स्टार खेळाडूची झाली फसवणूक; Zomato वरून जेवण ऑर्डर केलं पण...

इंडियन प्रीमियर लीगचा सतरावा हंगाम सुरू होण्यासाठी फक्त एक महिन्यापेक्षा कमी कालावधी राहिला आहे. अलीकडेच बीसीसीआयने आयपीएल 2024 चे वेळापत्रक देखील जाहीर केले आहे. आयपीएल 2024 चा थरार 22 मार्चपासून सुरू होणार आहे. मात्र याआधी भारतीय संघाचा आणि चॅम्पियन टीम चेन्नई सुपर किंग्जचा स्टार गोलंदाज दीपक चहरसोबत फसवणूक झाली आहे. त्याने ट्विट करून ही माहिती दिली आहे. काय आहे हे संपूर्ण प्रकरण जाणून घेऊया....

स्टार गोलंदाज दीपक चहरने त्याच्या सोशल मीडिया अकाउंट ट्विटर (X) वर लिहिले, "भारतात नवीन फसवणूक. Zomato वर जेवणाची ऑर्डर दिली, पण जेवण मिळाले नाही. जेव्हा मी ग्राहक सेवेला कॉल केला. तेव्हा त्यांनी सांगितले की तुम्हाला जेवन दिले आहे. आणि मी खोटे बोलत आहे. मला खात्री आहे की अनेकांना अशाच समस्या येत असतील. तुम्ही झोमॅटोला टॅग करा आणि त्यांना तुमची गोष्ट सांगा."

दीपक चहर यांनी X वर फूड डिलिव्हरी कंपनीला देखील टॅग केले आहे. कंपनीने दीपकला उत्तर दिले आणि लिहिले, "हाय दीपक, आम्ही तुमच्या अनुभवाबद्दल खूप चिंतित आहोत आणि कोणत्याही गैरसोयीबद्दल दिलगीर आहोत. निश्चिंत राहा, आम्ही अशा समस्या गांभीर्याने घेतो आणि ते लवकरच सोडवू.