WPL 2024 Opening Ceremony : शाहरूखच्या अदाकारीने उद्घाटन सोहळ्याला लागले चार चांद

Women Primer League 2024 Opening Ceremony : बेंगळुरू येथील एम चिन्नास्वामी स्टेडियममध्ये महिला प्रीमियर लीगची सुरुवात झाली. पहिला सामना गतविजेत्या मुंबई इंडियन्स आणि दिल्ली कॅपिटल्स यांच्यात होणार आहे. त्यापूर्वी उद्घाटन सोहळ्याचे आयोजन करण्यात आले होते. बॉलीवूडचा मेगास्टार शाहरुख खानने यात परफॉर्म केले. याचबरोबर शाहिद कपूर, सिद्धार्थ मल्होत्रा, कार्तिक आर्यन आणि वरुण धवन यांनीही आपल्या अदाकारीने प्रेक्षकांची मने जिंकली.

शाहरूख खानने महिला प्रीमियर लीगच्या उद्घाटन सोहळ्यात स्टेडवर ग्रँड एन्ट्री घेतली. बंगळुरूच्या चिन्नास्वामी स्टेडियमवर झालेल्या या उद्घाटन सोहळ्यात त्याने धडाकेबाज भाषण देखील करत सर्वांची मने जिंकली. याचबरोबर शाहरूख खानने त्याच्या दिलवाले दुलहनिया ले जायेंगे चित्रपटातील सिग्नेचर स्टेप स्वतः केली अन् पाचही संघाच्या कर्णधारांकडून देखील करवून घेतली.

शाहरूख सोबतच आर्यन खान, सिद्धार्थ मल्होत्रा, टायगर श्रोफ, शाहीद कपूर आणि वरूण धवनने देखील आपल्या अदाकारीने प्रेक्षकांची मने जिंकली.

यंदाच्या वुमन्स प्रीमियर लीगमध्ये पहिला सामना हा गतविजेत्या मुंबई इंडियन्स आणि दिल्ली कॅपिट्ल यांच्यात होत आहे. हरमनप्रीत कौरच्या नेतृत्वाखाली खेळणाऱ्या मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला.

प्रथम फलंदाजी करणाऱ्या दिल्लीने पहिल्या 10 षटकात 1 बाद 66 धावा केल्या होत्या. कर्णधार मेग लेनिंग एलिस कॅप्सी यांनी दुसऱ्या विकेटसाठी दमदार भागीदारी रचली. तर सलामीवीर शफाली वर्मा 1 धाव करून बाद झाली.

(Sports Latest News)