IND vs ZIM : उद्या पहिली मॅच अन् झिम्बाब्वेने आज जाहीर केला ट्वेंटी-२० संघ! भारताला भिडण्यासाठी सज्ज; संघात तीन महत्त्वाचे बदल..

IND vs ZIM Zimbabwe squad announcement: भारत-झिम्बाब्वे यांच्यातल्या तीन सामन्यांच्या ट्वेंटी-२० मालिकेला गुरुवारपासून सुरूवात होत आहे. या मालिकेसाठी भारतीय संघ झिम्बाब्वेत दाखल झाला आहे आणि सरावालाही लागला. त्यात उद्या सामना अन् आज झिम्बाब्वेने त्यांचा १५ सदस्यीय संघ जाहीर केला आहे. झिम्बाब्वेने नुकतीच बांगलादेशविरुद्धची वन डे मालिका २-१ अशी जिंकून इतिहास रचला आणि आता भारताला टक्कर देण्यासाठी ते सज्ज झाले आहेत. या विजयी संघातील तीन खेळाडूंना भारताविरुद्ध विश्रांती देण्यात आली असून अनुभवी व तगड्या खेळाडूंना बोलावण्यात आले आहे.