CWG 2022| पॅरा टेबल टेनिसमध्ये भारताला सुवर्णपदक | Sakal
sakal

बोलून बातमी शोधा

CWG 2022 Bhavina Patel wins gold medal in para table tennis

CWG 2022: पॅरा टेबल टेनिसमध्ये भारताला सुवर्णपदक; भाविना पटेलची कमाल

कुस्तीत तीन सुवर्णपदकं मिळवल्यानंतर भारताची दिग्गज पॅरा टेबल टेनिसपटू भाविना पटेलने आणखी एक गोल्ड मेडल जिंकून दिलं आहे. तिने पॅरा टेबल टेनिसच्या महिला एकेरीत (वर्ग 3-5)हे पदक मिळवलं आहे. यासह पॅरा टेबल टेनिसमध्येच भारताच्या सोनलबेन पटेलने कांस्यपदक मिळवलं आहे. राष्ट्रकुल 2022 मधील भारताचे हे 13 वे सुवर्णपदक आहे.(CWG 2022 Bhavina Patel wins gold medal in para table tennis)

हेही वाचा: CWG 2022 : अमित, नीतू, निखतची सुवर्णपदकाच्या दिशेने वाटचाल

भाविनाने फायनलमध्ये नायजेरियाच्या टेनिसपटूला 12-10, 11-2 आणि 11-9 अशा तीन सेट्समध्ये मात देत सामना जिंकला. याआधी भाविनाने उपांत्य फेरीच्या (Semifinal) सामन्यात इंग्लंडच्या सू बेलीचा पराभव करून अंतिम फेरीत प्रवेश मिळवत पदक निश्चित केलं होतं.

त्याचवेळी, याशिवाय भारताच्या सोनल बेन पटेलने 2022 च्या राष्ट्रकुल क्रीडा स्पर्धेत पॅरा टेबल टेनिसमध्ये कांस्यपदक जिंकले. तिने ब्राँझपदकाचा सामना 3-5 ने जिंकला. आत्तापर्यंत भारताने 38 पदके जिंकली आहेत. ज्यामध्ये 13 सुवर्णपदकांचा समावेश आहे.

हेही वाचा: CWG 2022 : भारतीय महिला हॉकी संघाची ब्राँझपदकासाठी लढत

भाविना पटेल सर्वात आधी 2011 च्या थायलंड टेबल टेनिस चॅम्पियनशिपमधून प्रकाशझोतात आली. पॅरा टेबल टेनिस स्पर्धेत तिने त्यावेळी सुवर्णपदक पटकावले. नंतर, 2013 मध्ये0 आशियाई पॅरा टेबल टेनिस चॅम्पियनशिपच्या महिला एकेरीतही रौप्य पदक जिंकले. ती इथेच थांबली नाही. यानंतर त्याने 2017 मध्ये आशियाई पॅरा टेबल टेनिस स्पर्धेत पुन्हा एकदा कांस्यपदकाला गवसणी घातली. मागील वर्षी टोक्यो पॅरालिम्पिकमध्येही तिने कमाल कामगिरी करत थेट रौप्यपदक मिळवलं. हे तिच्या कारकिर्दीतील आतापर्यंतचे सर्वात मोठे यश होते.

Web Title: Cwg 2022 Bhavina Patel Wins Gold Medal In Para Table Tennis

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :sportsTable Tennis