डेव्हिड बेकहमच्या वडिलांनी ७३ व्या वर्षी केले लग्न

फुटबॉल (Football) जगतातला चिरतरुण फुटबॉलपटू म्हणून ओळख असणाऱ्या डेव्हिड बेकहमचे (David Beckham) वडील वयाच्या ७३ व्या वर्षी बोहल्यावर चढले. टेड (Ted) यांनी सॉलिसिटर हिलरी मेरेडेथ यांच्याशी विवाह केला आहे. या विवाहाला बेकहम कुटुंब उपस्थित होते.

मँचेस्टर युनायटेडचा (Manchester United) स्टार माजी खेळाडू डेव्हिड बेकहम (David Beckham) आणि त्याची पत्नी व्हिक्टोरिया आपल्या चार मुलांसह डेव्हिड बेकहमच्या वडिलांच्या लग्नाला उपस्थित होते. हा लग्नसोहळा सेंट्रल लंडनच्या लॉ डिस्ट्रिक्टमधील ऐतिहासिक टेंपलमध्ये पार पडला. यासाठी बेकहम आपल्या कुटुंबासह पोहचला.(David Beckham Father Ted Married at The Age of 73)

डेव्हिड बेकहम (David Beckham) बरोबरच त्याची बहीण ल्युसी देखील आपल्या वडिलांच्या लग्नाला हजर होती. याचबरोबर डेव्हिड बेकहमचा मुलगा रोमियो आपली गर्लफ्रेंड मिआ रेगन याच्यासोबत आला होता. हा विवाह सोहळा छोटा आणि कुंटुंब आणि जवळ्या मित्रांपुरता मर्यादित ठेवण्यात आला होता.

डेव्हिड बेकहमने आपल्या वडिलांच्या लग्नात बेस्ट मॅनच्या (Best Man) भुमिकेत होता. त्याने वडिलांची वेडिंग रिंग (Wedding Ring) पकडली होती आणि त्याने यावेळी स्पीचही दिले.

डेव्हिड बेकहमचे वडील ७३ वर्षांचे आहेत तर नववधू ही ६३ वर्षांची आहे. या दोघांचेही हे दुसरे लग्न आहे. त्यामुळे या दोघांनीही या लग्नाचा मोठा गाजावाजा केला नव्हता. या लग्नात संपूर्ण बेकहम कुटुंब आनंदी दिसत होते.

डेव्हिड बेकहमचे वडील टेड हे डेव्हिड बेकहमची आई सँड्रा (Sandra) यांच्यापासून २००२ मध्ये वेगळे झाले होते. त्यांनी ३३ वर्षाच्या संसारानंतर वेगळे होण्याचा निर्णय घेतला. त्यामुळे टेड आणि डेव्हिड बेकहम यांच्या नात्यात तणावही निर्माण झाला होता. याबाबतची माहिती डेव्हिड बेकहमने आपल्या आत्मचरित्रात दिली आहे. मात्र ज्यावेळी टेड (Ted) यांना २००७ मध्ये ह्रदय विकाराचा झटका (Heart Attack) आला होता. त्यानंतर डेव्हिड बेकहम आपल्या वडिलांच्या पुन्हा जवळ आला.