डेव्हिड मिलरवर दुःखाचा डोंगर, कॅन्सरने चिमुकलीचे निधन, सामन्यापूर्वी शेअर केला भावूक Video

David Miller : भारत आणि दक्षिण आफ्रिका यांच्यातील दुसरा एकदिवसीय सामना रांची येथे खेळवला जाणार आहे. या सामन्यापूर्वीच दक्षिण आफ्रिकेच्या संघाचा फलंदाज डेव्हिड मिलरवर दु:खाचा डोंगर कोसळला आहे. डेव्हिड मिलर यांच्या जवळच्या व्यक्तीचा कर्करोगाने निधन झाले आहे. डेव्हिड मिलरने आपल्या इंस्टाग्राम अकाउंटवर एक भावनिक पोस्ट शेअर करून अॅनीला श्रद्धांजली वाहिली आहे.

इंस्टाग्रामवर शेअर केलेल्या व्हिडिओमध्ये डेव्हिड मिलर एका मुलीसोबत दिसत आहे. रिपोर्टनुसार ती मुलगी कॅन्सरशी झुंज देत होती. उपचारादरम्यान ती तिच्या सोबत जास्त वेळ घालवताना दिसली. पण मिलर यांनी मुलीच्या आजाराबाबत कोणतेही वक्तव्य किंवा संदेश दिलेला नाही.

डेव्हिड मिलरने त्याच्या इंस्टाग्राम स्टोरीमध्ये लिहिले की, RIP माझा छोटा रॉकस्टार. मी तुझ्यावर नेहमीच प्रेम करीन. व्हिडिओमध्ये दिसत असलेल्या फोटोंमध्ये मिलरसोबत दक्षिण आफ्रिकेच्या संघाची जर्सी घातलेला दिसत आहे. तसेच काही फोटोंमध्ये तो मुलीला बॉलमध्ये घेऊन जाताना दिसत आहे. तिच्यासोबत खेळतानाही दिसत आहे. काही मीडिया रिपोर्ट नुसार असा दावा केला जात आहे की, ती मुलगी त्याची आहे. पण जवळच्या मित्राची मुलगी असल्याची पुष्टी झाली आहे.

डेव्हिड मिलर सध्या उत्कृष्ट फॉर्ममध्ये आहे. भारताविरुद्धच्या सध्याच्या दौऱ्यावर त्याने बॅटने धमाल केली आहे. गुवाहाटी येथे झालेल्या तिसऱ्या टी-20 सामन्यात मिलरने शानदार शतक झळकावले. त्यानंतर लखनौ येथे खेळल्या गेलेल्या वनडे मालिकेतील पहिल्या सामन्यात मिलरने नाबाद 75 धावांची खेळी करत दक्षिण आफ्रिकेच्या विजयात महत्त्वाची भूमिका बजावली.