Umran Malik | मी असतो तर उमरान मलिकला घेतलं असतं : माजी निवडसमिती अध्यक्ष | Sakal
sakal

बोलून बातमी शोधा

Dilip Vengsarkar Statement About Picking Umran Malik instead Of Mohammed Siraj

Umran Malik | मी असतो तर उमरान मलिकला घेतलं असतं : माजी निवडसमिती अध्यक्ष

Jasprit Bumrah Replacement Mohammed Siraj : बीसीसीआयने जसप्रीत बुमराह ऑस्ट्रेलियात होणारा टी 20 वर्ल्डकपला मुकणार असल्याची शक्यता अधीकच बळावली आहे. बीसीसीआयने दक्षिण आफ्रिकेविरूद्धच्या दोन टी 20 सामन्यांसाठी आपल्या संघात बदल केला असून पाठीच्या दुखापतीने त्रस्त असलेल्या जसप्रीत बुमराहच्या जागी मोहम्मद सिराज संघात आला आहे.

दरम्यान, भारताचे माजी खेळाडू दिलीप वेंगसरकर यांनी ऑस्ट्रेलियात होणाऱ्या टी 20 वर्ल्डकपसाठी संघात उमरान मलिकला पसंती दर्शवली. त्यांनी जर मी असतो तर जम्मू काश्मीरचा वेगवान गोलंदाज उमरान मलिकला (Umran Malik) भारतीय संघात घेतलं असतं असे सांगितले.

हेही वाचा: BCCI ची मोठी घोषणा! मोहम्मद सिराजचा टीम इंडियात समावेश; बुमराहची जागा घेणार

वेंगसरकर यांनी स्पोर्टस्टारला दिलेल्या मुलाखतीत सांगितले की, 'हा कोणताही वेगळा विचार नाही. मी उमरान मलिकला त्याच्या वेगामुळे निवडले असते. एखाद्या व्यक्ती जो 150 किमी प्रतीतास वेगाने गोलंदाजी करतोय त्याला तुम्ही निवडलं पाहिजे. तुम्ही तो 130 किमी प्रतीतास गोलंदाजी करायला लागल्यानंतर त्याची निवड करून काय उपयोग. दुबईच्या पाटा विकेटवर तुम्हाला वेगवान गोलंदाजाची गरज होती. तुम्हाला अशा गोलंदाजाची गरज होती की जो फलंदाला वेगाने चकवा देऊ शकले.'

हेही वाचा: T20 World Cup : परिस्थितीनुसार खेळावे लागेल ; अर्शदीप सिंग

याचबरोबर दिलीप वेंगसरकर म्हणाले की, भारतीय संघात मोहम्मद शमी आणि श्रेयस अय्यरला देखील निवडायला हवे होते. श्रेयस अय्यर चांगल्या फॉर्ममध्ये आहे. मात्र त्याला संधी मिळाली नाही. मोहम्मद शमी आणि शुभमन गिल देखील संघात हवे होते. गिलने मला प्रभावित केले.' शुभमन गिलने नुकतेच ग्लॅमर्गनकडून काऊंटी पदार्पण केले. त्याने ससेक्सविरूद्ध एका सामन्यात शतक देखील ठोकले.